15.01.2025 | 19:49
Լոս Անջելեսի շրջանում «հատկապես վտանգավոր իրավիճակ» է հայտարարվել
Հայաստանն ու Իրանը տարաձայնություններ չունեն․ ՀՀ ԱԳՆ խոսնակ
Քաղաքականություն
03.11.2022 | 15:28
Հայաստանի ԱԳՆ խոսնակ Վահան Հունանյանն իրանական Mehr գործակալությանը տված հարցազրույցում ասել է, որ Հայաստանն ու Իրանը շատ երկար պատմական հարաբերություններ ունեն, և այդ հարաբերությունները չեն սահմանափակվում միայն կառավարություններով, այլև առկա են երկու ժողովուրդների միջև։ Իրանը բնութագրելով որպես Հայաստանի առանցքային գործընկեր՝ նա հույս է հայտնել, որ այդ հարաբերությունները կամրապնդվեն բոլոր ոլորտներում։
«Կարծում եմ՝ Իրանի հետ տարաձայնություններ չունենք»,- ասել է նա և հավելել, որ Երևանն ու Թեհրանը տարբեր հարցերի շուրջ միակարծիք են։
Արդյունքում երկու երկրների հարաբերություններն ապագայում կամրապնդվեն, նշել է հայ դիվանագետը։
Պատասխանելով Ադրբեջանի հետ հարաբերությունների մասին հարցին՝ նա ասել է. «Հայաստանը ձգտում է խաղաղություն հաստատել հարավկովկասյան տարածաշրջանում»։
Ասելով, որ բոլոր խնդիրները պետք է լուծել բանակցությունների սեղանի շուջ, նա հույս է հայտնել, որ Ադրբեջանը, ինչպես և Հայաստանը, կհետևի նույն ընթացակարգին բանակցությունների սեղանի շուրջ։
Տաթև Ֆռանգյան
