08.06.2026 | 07:35
Ամփոփվել են 1382 ընտրատեղամասերից ստացված նախնական արդյունքները. ԿԸՀ
«Կաֆել-մետլախային» տրամաբանությամբ հուշարձաններ չի կարելի նորոգել․ Փաշինյան․ ՏԵՍԱՆՅՈՒԹ
Տեսանյութեր
03.11.2022 | 12:49
Այսօր Հայաստանում կան բազմաթիվ պատմամշակութային հուշարձաններ, որոնք ոչնչացման եզրին են: Այս մասին Կառավարության նիստի ընթացքում խոսեց ՀՀ վարչապետ Նիկոլ Փաշինյանը:
«Կառավարությունն այս ուղղությամբ շարունակելու է աշխատել: Ես այդ թեմայով հատուկ հանձնարարական եմ տվել՝ ընդգծելով առանձնահատուկ կարևորությունն այն պատմամշակութային հուշարձանների, որոնք իրենց բովանդակությամբ քաղաքացիական, պետական ենթակառուցվածքների պատմական ասպեկտն ընդգծող են»,- ասաց վարչապետը:
Վարչապետի դիտարկմամբ՝ մյուս կողմից էլ աշխատանքների ծավալը հսկայական է:
«Ուզում եմ հնարավոր բարերարների ուշադրությունը հրավիրել այս խնդրի վրա, որ կան պատմամշակությաին հուշարձաններ, որոնց վերականգնումը կարող է շատ լավ ու դրական գործ լինել: Բայց, ցավոք, նաև դեպքեր ունենք, երբ պատմամշակութային հուշարձանների վերականգնման պրոցեսում «շուշաբանդային» կամ «կաֆել-մետլախային»տրամաբանություններ են օգտագործվել: Այս ուղղությամբ պետք է շատ զգույշ և ուշադիր լինել, ԿԳՄՍ նախարարության հետ համագործակցել՝ ոչ թե հետընթաց, այլ առաջընթաց ունենալու համար»,- նշեց Փաշինյանը:
Մանրամասները՝ տեսանյութում։
