07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Թող նախագահը գա. Ստեփանակերտում շարունակվում է հանրահավաքը. ՏԵՍԱՆՅՈՒԹ
04.06.2018 | 13:58
Երեկ Բակո Սահակյանն ընդունել է բողոքի ակցիայի մասնակիցներին, որի մասին այսօր Ստեփանակերտում տեղի ունեցած հանրահավաքի ժամանակ մանրամասներ հայտարարվեցին: ԼՂՀ նախագահի նախկին խորհրդական Վարդան Ասծատրյանը, ով ակցիայի համակարգողներից է, ասաց, որ Բակո Սահայանն ուզում է, որ ժողովուրդը գա նախագահական և այնտեղ հանդիպի նրանց հետ, ինչին հավաքված ժողովուրդը պատասխանեց՝ «թող նա գա ու այստեղ հանդիպի մեզ հետ»:
ԱԺ պատգամավոր Հայկ Խանումյանը հանրահավաքի ընթացքում հայտարարեց, որ «որեւէ խնդիր չկա, բարձրացեք ու հանդիպեք նախագահի հետ իր նստավայրում», ինչից հետո Վարդան Ասծատրյանը խլեց բարձրախոսը նրա ձեռքից և ասաց. «Դու արդեն ուրիշ բաներ ես ասում: Հայկ Խանումյանը այս շարժման համակարգող չէ: Բերեք ցավալի հարցերից խոսենք: Արցախում մարդ իրավունք չունի աղբամանից բան վերցնել, որը մենք տեսնում ենք ամեն օր: Երեք ընտանիք մի սենյականոց տան են ապրում, կին ու տղամարդ չեն կարողանում առանձնանալ, ներողություն այս ասածի համար»:
«Բերեք բոլոր պաշտոնյաների ունեցվածքը դնենք սոցիալական ցանցերում և տեսնենք, թե այսքան տարի ով ինչքան է գողացել: Բյուջեն բոլորի սեփականությունն է: Խնդիրը հստակ է. ուժայինների հրաժարական: Եթե դա եք պահանջում, բերեք դրան գնանք: Եթե դրանից շեղվելու եք` ամեն ինչի հերը անիծելու եք», – ասաց Հայկ Խանումյանը:
Մարութ Վանյան. Ստեփանակերտ
