Սյունիքի մարզում 53 նոր մոդուլային կրթահամալիր կկառուցվի․ Դումանյան․ ՏԵՍԱՆՅՈՒԹ

Լուրեր

21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
20.11.2026 | 22:33
Վաղարշապատի կամրջի հարակից ճանապարհահատվածը ժամանակավորապես փակ կլինի երթևեկության համար
20.11.2026 | 22:19
Բաքուն հայտնում է ահաբեկչական կազմակերպության անդամ Ադրբեջանի քաղաքացիների ձերբակալության մասին
20.11.2026 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
20.11.2026 | 21:50
Ադրբեջանի ընդդիմության ղեկավարի կալանքի թեման ուշադրության կենտրոնում է եղել Գերմանիայի ԱԳ նախարարի՝ Բաքու կատարած այցի ժամանակ
20.11.2026 | 21:36
Հայաստանն ընդունել է Գազայից երեք պաղեստինցի երեխայի. նրանց մասնագիտացված բուժօգնություն կցուցաբերվի
20.11.2026 | 21:23
Թվային լուծումներ՝ մեկ էկոհամակարգում․ IDBank-ը՝ DigiTec 2026-ում
20.11.2026 | 21:11
Թրամփը հայտարարել է, որ Պուտինը Լեհաստանի ուղղությամբ «սխալմամբ մի քանի փոքր հրթիռ է արձակել»
20.11.2026 | 21:00
Տրագիկոմեդիա է․ ընդդիմությունը չի ուզում ազատվել վարչապետ Փաշինյանից, թեև մեղադրում է ադրբեջանական լինելու մեջ․ Արսեն Թորոսյան. ՏԵՍԱՆՅՈՒԹ
20.11.2026 | 20:50
Կառլեն Հովհաննիսյանը՝ «Ակրոնի» լավագույն ֆուտբոլիստ
20.11.2026 | 20:45
Euro 4-ը, խցանումներն ու Ավինյանը․ ո՞ր մեքենաները կարող են հայտնվել սահմանափակման տակ. ՏԵՍԱՆՅՈՒԹ
Բոլորը

ԿԳՄՍ նախարարության 2022 թվականի բյուջեում 62 մլն դրամի վերաբաշխում կատարվեց, նաև մոտ 140 մլն դրամն ուղղվեց Կառավարության պահուստային ֆոնդ:

Որոշմամբ կապահովվեն ՀՀ Սյունիքի մարզի Կապան խոշորացված համայնքի գյուղական բնակավայրերից ընտրված 10 բնակավայրի դպրոցների շենքային պայմանների բարելավման նախագծանախահաշվային փաստաթղթերի մշակումը և փորձաքննությունը:

ԿԳՄՍ նախարար վահրամ Դումանյանը տեղեկացրեց, որ Սյունիքի մարզի Կապան խոշորացված համայնքի գյուղական բնակավայրերից ընտրված 13 բնակավայրի կրթահամալիրների շենքային պայմանների բարելավման նախագծանախահաշվային փաստաթղթերի մշակման և փորձաքննության ծառայությունների ձեռքբերման նպտակով Կառավարությունը Քաղաքաշինության կոմիտեին հատկացրել է համապատասխան գումար:

Սկզբնական փուլում վերլուծությունների արդյունքում նախատեսվել է 13 կրթահամալիրից 5-ի համար կառուցել նոր շենք, որոնցից 3-ի համար՝ Եղվարդ, Դավիթ Բեկ, Վերին Խոտանան համայնքներում՝ մոդուլային դպրոցներ, իսկ մյուս 8-ի համար պետք է վերակառուցվեին դպրոցների առկա շենքերը:

Նախարարի խոսքով՝ կրթական բարեփոխումների շրջանակում կրթական գործընթացների կազմակերպման մասով ձևավորվել է նոր մոտեցում, և նախկինում գործող բազմահամակազմ դասարանների նախատեսման սկզբունքը՝ 2 կամ 3 դասարանները 1 դասարանում համակցելու մոտեցումը, այլևս ընդունելի չէ:

«Նոր մոտեցմամբ, անկախ աշակերտների թվաքանակից, նոր կրթահամալիրները, ինչպես նաև հետագայում նախատեսվող դպրոցները, պետք է ունենան առնվազն 12 դասարան և մեկական դասասենյակներ զինվորական պատրաստության, կենսաբանության, քիմիայի, ֆիզիկայի և աշխարհագրության լաբորատորիաների համար, առնվազն 2 խմբասենյակ նախադպրոցական ուսումնառության համար, այլ պարտադիր սենյակներ:

Նախագծող ընկերությունների հետ համատեղ քննարկումների արդյունքում 10 կրթահամալիրների համար նախագծման առաջադրանքի շրջանակում այս պահանջներին բավարարող փոփոխությունների իրականացման համար որոշվել է առանձին նախագծերի փոխարեն կիրառել նոր տրամաբանությամբ միայն մոդուլային կրթահամալիրների համար լրամշակված նախագծի տեղակապում հետևյալ բնակավայրերի կրթահամալիրների համար՝ Աճանան, Օխտար, Արծվանիկ, Գեղանուշ, Սյունիք, Եղեգ, Ծավ, Ճակատեն, Ներքին հանդ, Շիկահող:

Այս բոլոր բնակավայրերում պետք է լինեն նոր մոդուլային դպրոցներ, որոնք լինելու են նաև համայնքային մշակութային կենտրոններ»,- նշեց Դումանյանը:

Նախագծով նախատեսվում է նաև գումարներ հատկացնել Արմավիրի մարզի Արգինեի միջնակարգ դպրոցի և Արարատի մարզի Դեղձուտի միջնակարգ դպրոցի կառուցման ավարտական աշխատանքների համար:

«Դպրոցների կառուցումը մեկնարկել է 2020 թվականին և նախատեսվում է ավարտել այս տարի: Աշխատանքների փաստացի ծավալի ճշգրտման արդյունքում անհրաժեշտություն է առաջացել կատարել ծավալների ավելացում, որը չի գերազանցում պայմանագրի գնի 20 տոկոսը: Նախագծով գումար է հատկացվում նաև Ախուրյանի ավագ դպրոցի մարզադահլիճի կառուցման նախագծանախահաշվային փաստաթղթերի փորձաքննության գործընթացի համար»,- նշեց նախարարը:

Նրա խոսքով՝ ավարտվել են Սյունիքի մարզում կրթահամալիրների տեղորոշման և տեղազննության աշխատանքները մյուս բոլոր խոշորացված գյուղական բնակավայրերի համար: Կազմվել են 53 նոր կրթահամալիրների կառուցման կամ եղած շենքերի հիմքերի վրա վերակառուցման աշխատանքների տեխնիկական նկարագրերը, անհրաժեշտ տրանսպորտային ուղիների ցանկը:

Կրթահամալիրների կառուցման համար քարտեզագրման աշխատանքներն իրականացվել են նաև հանրապետության մյուս 9 մարզի գյուղական բնակավայրերի համար: Մարզերից ստացված քարտեզագրման արդյունքներն այժմ վերլուծվում են՝ հաշվի առնելով առկա տվյալներն ու մոտեցումները, որից հետո կիրականացվեն տեղազննության աշխատանքները:

Մանրամասները՝ տեսանյութում։