18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
ՌԴ-ն և Թուրքիան որոշելու են հացահատիկային գործարքի շրջանակում պարեն ստացող երկրների ցանկը․ ԶԼՄ
Քաղաքականություն
03.11.2022 | 14:54
Թուրքիան և ՌԴ-ն որոշում են երկրների ցանկը, որոնք ռուսական հացահատիկի ու պարարտանյութերի կարիքն ունեն, աշխատանքները տարվելու են ՄԱԿ-ի հետ համակարգմամբ։ Այս մասին ՌԻԱ Նովոստիին հայտնել է իրավիճակին ծանոթ աղբյուրը։
Հիշեցնենք, որ նախօրեին Թուրքիայի նախագահ Ռեջեփ Թայիփ Էրդողանը հայտարարել էր, որ ՌԴ նախագահ Վլադիմիր Պուտինի հետ բանակցություներից ու երկու երկրների ՊՆ ղեկավարների զրույցից հետո Մոսկվան վերադառնում է հացահատիկային գործարքին։ ՌԴ ՊՆ-ն ևս հայտարարել էր, որ վերականգնում է մասնակցությունը պարենային գործարքում։
«Հիմա ռուսական կողմի հետ միասին որոշվում է երկրների ցանկը, ուր գնալու են ռուսական հացահատիկն ու պարարտանյութերը։ Երկու երկրների ղեկավարների վերջին հեռախոսազրույցում այդ հարցը քննարկվել է, ցուցակների ու երթուղիների ճշտման հարցով զբաղվում են համապատասխան գերատեսչությունները՝ Թուրքիայի, ինչպես նաև ՄԱԿ-ի համակարգմամբ։ Ջանքերը նաև ուղղված են ռուսական պարենի ու պարարտանյութերի արտահանման խոչընդոտները վերացնելուն»,- ասել է լրատվամիջոցի աղբյուրը։
Հարցին, թե ո՞ր երկրներին է մատակարարվելու ռուսական գյուղմթերքը, աղբյուրը պատասխանել է, որ առաջին հերթին լինելու են Աֆրիկայի ու կարիքավոր երկրները։
Էմմա Չոբանյան
