16.09.2026 | 10:23
Դատախազությունը պահանջում է Ոսկեվանի նախկին մանկապարտեզի շենքը վերադարձնել համայնքին
ԱՊՀ Անվտանգության խորհուրդների քարտուղարները կքննարկեն միջուկային անվտանգությանը վերաբերող հարցեր
Քաղաքականություն
03.11.2022 | 13:18
ԱՊՀ երկրների Անվտանգության խորհուրդների քարտուղարները Մոսկվայում կայանալիք նիստում կքննարկեն միջուկային անվտանգության ապահովման և միջուկային զենքի չտարածմանն առնչվող հարցեր։ Այս մասին հայտարարել է ՌԴ Անվտանգության խորհրդի քարտուղար Նիկոլայ Պատրուշևը, գրում է ՌԻԱ Նովոստին։
«Մենք տեղեկատվություն կլսենք միջուկային անվտանգության ապահովման և միջուկային զենքի չտարածման վերաբերյալ»,- ասել է Պատրուշևը՝ այսօր բացելով հանդիպումը։
Պատրուշևը նաև Մոսկվայում մեկնարկած ԱՊՀ երկրների ԱԽ քարտուղարների ամենամյա 10-րդ հանդիպման մասնակիցների համար ընթերցել է ՌԴ նախագահ Վլադիմիր Պուտինի ողջույնի խոսքը, որում Պուտինը կոչ է արել ԱՊՀ երկրների Անվտանգության խորհուրդներին՝ գործի դնել իրենց վերլուծական ռեսուրսները։
«Միջազգային իրավիճակն այսօր շարունակում է մնալ բարդ և անկայուն։ Այդ առիթով կարևոր է լիարժեք գործի դնել ձեր կառույցների հզոր վերլուծական ռեսուրսները՝ ԱՊՀ տարածքում իրավիճակի բազմակողմանի վերլուծության և պոտենցիալ մարտահրավերների և ռիսկերի բացահայտման համար»,- նշվում է ողջույնի խոսքում։
Տաթև Ֆռանգյան
