28.06.2026 | 08:39
Բասկետբոլի Հայաստանի հավաքականը հաղթեց Իռլանդիային. ՏԵՍԱՆՅՈՒԹ
Ռուսական հարձակումների նոր ալիք Ուկրաինայում
Քաղաքականություն
03.11.2022 | 13:53
Ռուսական կողմից հրթիռների և անօդաչու թռչող սարքերի հարվածների մասին հաղորդումներ են ստացվում Ուկրաինայի մի քանի շրջաններից, գրում է BBC-ի ռուսական ծառայությունը։
Կրիվոյ Ռոգի ղեկավար Ալեքսանդր Վիլկուլը հայտնել է, որ կամիկաձե անօդաչու թռչող սարքը հարվածել է էներգետիկ ենթակառուցվածքի օբյեկտի։
«Ավերածությունները զգալի են, քաղաքի մի քանի թաղամասեր առանց լույսի և ջրի են մնացել, ճշտվում են կորուստները»,- գրել է նա։
Զապորոժիեի քաղաքային խորհրդի քարտուղար Անատոլի Կուրտևը հայտնել է, որ պայթյուններ են լսվել քաղաքի մի քանի թաղամասերում․ «Զինվորականները հայտնում են, որ բոլոր «շահիդները» (իրանական կամիկաձե «Շահեդ» անօդաչու սարքերը), որոնք թռել են Զապորոժիեի ուղղությամբ, ոչնչացվել են»։
Կուրտևի խոսքով՝ «կա երկրորդ հարձակման վտանգ»։
Շրջանային վարչակազմի ղեկավար Օլեգ Սինեգուբովն էլ հայտնել է Խարկովի վրա հարձակումների մասին։ Լրագրող Անդրեյ Ցապլիենկոյի խոսքով՝ ռուսական բանակը հավանաբար օգտագործել է С-300 հրթիռներ։
Տաթև Ֆռանգյան
