31.10.2026 | 13:56
Հայաստանից՝ Էկվադոր. COP18-ը հյուրընկալող երկիրն ընտրված է
ԱՄՆ զորքերը դեռ երկար կմնան Արևելյան Եվրոպայում․ Ջո Բայդեն
Քաղաքականություն
03.11.2022 | 15:45
ԱՄՆ լրացուցիչ զորքերը, որոնք տեղակայվել են Լեհաստանում և ՆԱՏՕ-ի այլ երկրներում Ուկրաինայի դեմ Ռուսաստանի ռազմական ագրեսիայի հետ կապված, այնտեղ կմնան դեռ երկար ժամանակ։ Այս մասին հայտարարել է ԱՄՆ նախագահ Ջո Բայդենը, գրում է DW-ի ռուսական ծառայությունը։
«Նրանք այնտեղ դեռ երկար կմնան»,- ասել է Բայդենը։
Ավելի վաղ նման հայտարարությամբ հանդես էր եկել Սպիտակ տան ռազմավարական հաղորդակցությունների համակարգող Ջոն Քիրբին։ Նա նշել էր, որ ԱՄՆ շատ լուրջ է վերաբերվում արևելյան ճակատի անվտանգությանը, այդ պատճառով նախագահ Բայդենը լրացուցիչ 20,000 ամերիկացի զինծառայող է ուղարկել Եվրոպա։
Հավելենք, որ ՆԱՏՕ-ն Բուլղարիայում, Հունգարիայում, Ռումինիայում, Սլովակիայում գումարտակային մարտավարական խմբեր է ստեղծել։ Մայիսին հայտարարվել էր, որ արևելյան թևի զորքերի թիվը գրեթե 10 անգամ ավելացել է՝ 4․650-ից հասնելով 40․000-ի։
Էմմա Չոբանյան
