09.10.2026 | 10:52
Սիսիանում 6-ամյա երեխային ապտակելու կասկածանքով ձերբակալվել է դասապատրաստող ուսուցչուհին
Նշաններ չենք տեսնում, որ Մոսկվան պատրաստվում է միջուկային զենք կիրառել․ Սպիտակ տուն
Քաղաքականություն
02.11.2022 | 22:36
Միացյալ Նահանգները որևէ նշան չի տեսնում, որ Ռուսաստանը պատրաստվում է միջուկային զենք կիրառել, չորեքշաբթի հայտնել է Ազգային անվտանգության խորհրդի ռազմավարական հաղորդակցությունների գծով համակարգող Ջոն Քիրբին, փոխանցում է «Ամերիկայի ձայն»-ը:
Նա պարզաբանել է, որ կոնկրետ մեկնաբանություններ չունի այդ թեմայով New York Times-ի հրապարակման վերաբերյալ։
«Մեզ համար ի սկզբանե պարզ էր, որ միջուկային զենքի հնարավոր կիրառման վերաբերյալ Ռուսաստանի մեկնաբանությունները խորը մտահոգություն են առաջացնում, և մենք դրանք լրջորեն ենք վերաբերվում»,- ասել է Քիրբին:
«Մենք շարունակում ենք հնարավորինս վերահսկել դա, և մենք ազդանշաններ չենք տեսնում, որ Ռուսաստանը պատրաստվում է այն օգտագործել», – ավելացրեց նա:
Հիշեցնենք, որ փետրվարի վերջին Վլադիմիր Պուտինը հայտարարեց, որ Ռուսաստանը իր միջուկային զսպման ուժերը տեղափոխում է «հատուկ մարտական հերթապահության ռեժիմի»:
Նախագահ Բայդենը զգուշացրել է, որ Ռուսաստանի կողմից միջուկային զենքի օգտագործումը չափազանց լուրջ սխալ կլինի։
