11.08.2026 | 17:28
Գազամատակարարման պլանային դադարեցումներ՝ Երևան և Գյումրի քաղաքներում
Բելառուսի ԱԳՆ-ն արձագանքել է պաշտոնական Երևանին
Քաղաքականություն
02.11.2022 | 21:45
Մինսկի խումբը մշտապես հետևողականորեն հանդես է եկել Ղարաբաղյան հակամարտության խաղաղ կարգավորման օգտին: Այս մասին հայտարարել են Բելառուսի ԱԳՆ-ում:
Ավելի վաղ Հայաստանի ԱԳՆ-ն մեկնաբանել էր Բելառուսի նախագահ Ալեքսանդր Լուկաշենկոյի հայտարարությունները Երևանի և Բաքվի հարաբերությունների կարգավորման գործընթացի վերաբերյալ: Գերատեսչությունում նշել են, որ Մինսկի դիրքորոշումն այս հարցում դաշնակցային չէ:
«Գիտեք, Հայաստանի ԱԳՆ-ն բավական ինքնատիպ դիրքորոշում է որդեգրել։ Իր դաշնակցային պարտավորություններին Բելառուսը հավատարիմ է ոչ թե խոսքով, այլ գործնականում հաստատում է իր ողջ պատմության ընթացքում, այդ թվում՝ այս դժվարին պահին»,- ասված է Բելառուսի ԱԳՆ պաշտոնական ներկայացուցիչ Անատոլի Գլազի մեկնաբանության մեջ, որը հրապարակվել է նախարարության կայքում:
Նրա խոսքով՝ Մինսկի արտաքին քաղաքականության առանձնահատկություններից մեկը պարկեշտությունն է ։
«Դրա համար էլ հետագայում մեր գործընկերներն ու դաշնակիցները կարող են վստահ լինել մեր մեջ»,-հավելել է Գլազը։
Բելառուսի ԱԳՆ ներկայացուցիչը նշել է, որ Մինսկը մշտապես հետևողականորեն հանդես է եկել Ղարաբաղյան հակամարտության խաղաղ կարգավորման օգտին:
Գլազի խոսքով՝ Հայաստանի և Ադրբեջանի նախկին և ներկա ղեկավարները շնորհակալ են Լուկաշենկոյին «Հարավային Կովկասի բոլոր ժողովուրդների համար խաղաղության և բարեկեցության անկեղծ ցանկության, հայ-ադրբեջանական հարաբերությունների կարգավորման գործում անձնական ներդրման համար»:
«Ուստի, խորհուրդ ենք տալիս մեր ընկերներին և գործընկերներին ուշադիր կարդալ և վերընթերցել բելառուսական պետության ղեկավարի բազմաթիվ ելույթները այս բարդ, բայց միանգամայն լուծելի հարցի վերաբերյալ»,- եզրափակել է նա:
