07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Իսրայելի իշխանությունները հայտնել են ցեղասպանության մասին օրինագծի հետաձգման պատճառը
Քաղաքականություն
04.06.2018 | 11:54
Իսրայելի խորհրդարանում (Քնեսեթ) Հայոց ցեղասպանությունը ճանաչող օրինագծի քննարկումը տեղի կունենա Թուրքիայի խորհրդարանական ու նախագահական արտահարեթ ընտրություններից հետո. տեղեկացնում է ermenihaber-ը:
Ավելի վաղ արված պաշտոնական հայտարարության համաձայն՝ Քնեսեթի լիագումար նիստի օրակարգից հանված օրինագծի հետաձգման պատճառն Իսրայելի իշխանությունների մտավախությունն է, թե օրինագծի հնարավոր քննարկումով կարող են Էրդողանին լրացուցիչ առավելություն ապահովել առաջիկա ընտրություններում:
«Վարչապետ Բենիամին Նեթանյահուն ընդունել է Հայոց ցեղասպանության բանաձևի քննարկումը հետաձգելու մասին արտգործնախարարության առաջարկը՝ նկատի ունենալով, որ խորհրդարանում նման քննարկում կազմակերպելը, իսկապես, կարող է լրացուցիչ առավելություն տալ Էրդողանին Թուրքիայում սպասվող ընտրություններում»,- ասված է պաշտոնական հայտարարության մեջ:
Հիշեցնենք, որ Իսրայելի խորհրդարանը որոշում էր կայացրել մայիսի 30-ի լիագումար նիստում քննարկել Հայոց ցեղասպանությունը ճանաչող բանաձևը: Սակայն ավելի ուշ Քնեսեթի խոսնակը խորհրդարանի լիագումար նիստի օրակարգից հանել էր ցեղասպանության մասին օրինագծի քննարկումը:
