19.12.2025 | 20:37
Պուտինը խոստացել է Ուկրաինայի վրա հարձակումների մորատորիում՝ ընտրությունների դեպքում
Չավուշօղլուն կրկին Հունաստանին մեղադրել է Էգեյան ծովի կղզիները ռազմականացնելու մեջ
Քաղաքականություն
02.11.2022 | 23:04
Թուրքիայի արտաքին գործերի նախարար Մևլութ Չավուշօղլուն հայտարարել է, որ Հունաստանը, իբր, հակառակ միջազգային պայմանագրերին՝ զենք է փոխադրել Էգեյան ծովի ապառազմականացված կարգավիճակ ունեցող 23 կղզիներից 16-ում, գրում է Անադոլու գործակալությունը։
Նա նշել է, որ ապառազմական կարգավիճակ ունեցող կղզիների ռազմականացումը Թուրքիայի համար վտանգ է ներկայացնում։
Ըստ Չավուշօղլուի՝ Անկարան Հունաստանին կոչ է անում պահպանել միջազգային իրավունքը և դադարեցնել Էգեյան ծովի ապառազմականացված կղզիների զինումը։ Նա ասել է, որ Հունաստանի պաշտոնյաները, մասնավորապես, ԱԳ նախարար Նիկոս Դենդիասը, շարունակում են Թուրքիայի դեմ հայտարարություններ անել, և որ ԱՄՆ Կոնգրեսում վարչապետ Կիրիակոս Միցոտակիսի ելույթը «վերջին կաթիլն է դարձել»։
Չավուշօղլուի խոսքով՝ կան տարբեր պատճառներ, որոնք Հունաստանին մղում են նման գործողությունների, իսկ հիմնական պատճառների թվում է «Թուրքիայի աճող ազդեցությունը տարածաշրջանում և ամբողջ աշխարհում»։
Հավելենք, որ Թուրքիայի իշխանությունները շարունակում են պարբերաբար սպառնալ Հունաստանին։
Էմմա Չոբանյան
