16.09.2026 | 12:10
Փաշինյանը Հեսսենի խաղաղության մրցանակ կստանա // ԶՈՒ ԳՇ պետը գիշերային անակնկալ ստուգայց է կատարել․ ԼՈՒՐԵՐ
ՌԴ-ում 100-ից ավելի մոբիլիզացվածներ հրաժարվել են մեկնել Ուկրաինա և անհնազանդության ակցիա են կազմակերպել
Քաղաքականություն
02.11.2022 | 19:30
Ավելի քան 100 մոբիլիզացվածներ հրաժարվել են մեկնել Ուկրաինա և ուսումնական կենտրոնում անհնազանդության ակցիա են կազմակերպել՝ պահանջելով վճարել խոստացված 195.000 ռուբլին։ Այս մասին հաղորդում է «Սերդիտայա Չուվաշիա» Telegram ալիքը, փոխանցում է BBC-ի ռուսական ծառայությունը։
«Հարգելի՛ Ռուսաստանի Դաշնության քաղաքացիներ, Չուվաշիայի Հանրապետության մոբիլիզացված զինվորականները դիմում են ձեզ: Մենք, վտանգելով մեր կյանքը, գնում ենք մահվան՝ հանուն ձեր անվտանգության և խաղաղ կյանքի: Մեր պետությունը հրաժարվում է մեզ վճարել այդ գումարը՝ 195 հազար ռուբլու չափով, որը մեզ խոստացել է մեր նախագահը՝ Վլադիմիր Պուտինը։ Հանուն ինչի՞ գնանք պայքարելու այս պետության համար՝ թողնելով մեր ընտանիքներին առանց աջակցության»,- ասվում է տեսաուղերձում։
Զինվորականներից մեկի խոսքով՝ մոբիլիզացվածներին ասել են, որ մինչև զորակոչվելը զորամասում նրանք կստանան 25․000 ռուբլի վճարումներ, մինչդեռ զորակոչվածների զինգրքույկների վրա ոչ մի նշում չի արվել։
Բացի այդ, մոբիլիզացվածները դժգոհ են վատ ապահովվածությունից և այն հանգամանքից, որ սպառազինություն ստանալու համար ստիպված են տեսաուղերձներ ձայնագրել՝ օգնություն խնդրելով։
«Սերդիտայա Չուվաշիա» ալիքի հրապարակած տեսանյութերից մեկում զինվորականները վանկարկում են՝ «Մեկը բոլորի համար, բոլորը՝ մեկի համար»։
Նախորդ գիշեր ալիքը հայտնել էր, որ, ըստ իր աղբյուրների, ՕՄՕՆ-ն ու Ազգային գվարդիան տարվել են Ուլյանովսկի ուսումնական կենտրոն։ Չորեքշաբթի առավոտյան էլ հայտնի է դարձել, որ մոբիլիզացվածների շրջանում ապստամբությունը ճնշվել է։
Տաթև Ֆռանագյան
