15.01.2025 | 18:00
Պապիկյանը՝ Բաքվի կողմից նոր էսկալացիայի հավանականության, Մարությանը՝ միասնական տոմսային համակարգը բոյկոտելու մասին․ ԼՈՒՐԵՐ
Իրանում բողոքի ցույցերը շարունակվում են․ ուժայինները փորձել են գրոհել ցուցարարների հենակետը
Քաղաքականություն
02.11.2022 | 16:13
Իրանի անվտանգության ուժերը փորձել են գրոհել Թեհրանի Ամիր-Քաբիր փողոցի առևտրի կենտրոնը, որտեղ հաստատվել են ցուցարարները։ Համացանցում հայտնված տեսանյութում երևում է, թե ինչպես են կառավարական ուժերն արցունքաբեր գազ օգտագործում, սակայն ակտիվիստների ուղղությամբ թռչելու փոխարեն՝ ծխի ամպերը ծածկում են հենց ուժայիններին, գրում է euronews-ը։
Իսլամական Հանրապետությունում բողոքի ցույցերը չեն հանդարտվում արդեն յոթերորդ շաբաթը։ Չնայած անվտանգության ուժերի սպառնալիքներին, որոնք հնչում են բարձրախոսներից, իրանցիները շարունակում են փողոց դուրս գալ։
Ուսանողները շարժման կարևոր մասն են: Հանգստյան օրերին Իսլամական հեղափոխության պահապանների կորպուսը գրոհել է համալսարանի հանրակացարանները, շատերը ձերբակալվել են:
Երեքշաբթի Իրանի իշխանությունները հայտարարել են, որ այս շաբաթ հրապարակային դատավարություններ են անցկացնելու մոտ 1000 մարդու նկատմամբ:
Տաթև Ֆռանգյան
