22.11.2024 | 23:51
Նպաստ ստացող ընտանիքների թիվը մոտ 30 հազարով կրճատվել է. Նիկոլ Փաշինյան. ՏԵՍԱՆՅՈՒԹ
ՊՎԾ պետը` Ալեն Սիմոնյանի եղբոր ղեկավարած ընկերության գնումներն ուսումնասիրելու մասին
Քաղաքականություն
02.11.2022 | 14:36
Հղում անելով պետական գնումների համակարգին՝ մամուլում հրապարակումներ են եղել այն մասին, որ «Եվրաասֆալտ» ընկերությունը, որը ղեկավարում է ԱԺ նախագահ Ալեն Սիմոնյանի եղբայրը, մի քանի հազար դրամի տարբերությամբ շահում է պետական միլիոնանոց մրցույթներ։ Երբևէ ՊՎԾ-ի մտքով անցե՞լ է ուսումնասիրություն իրականացնել՝ տեսնելու այնտեղ խնդիրներ կա՞ն, քաղաքական կոռոիպցիա կա՞, թե ոչ։ ԱԺ-ում լրագրողների հետ զրույցում ՊՎԾ ղեկավար Ռոմանոս Պետրոսյանը, անդրադառնալով այս հարցին, նշեց որ ամիսներ առաջ վարչապետի հանձնարարությամբ ՊՎԾ-ն ձեռնամուխ է եղել 2 անընդմեջ իրականացվող վերահսկողական գործընթացերի մեկնարկին։
«Պաշտոնատար բարձրաստիճան անձանց հետ հնարավոր փոխկապակցվածություն ունեցող տնտեսվարող սուբյեկտների մասնակցութունը գնումների գործընթացին և հանրային գնումների ողջ սպեկտորն ամենօրյա մշտադիտարկման տակ է ՊՎԾ-ի կողմից։
2022 թ․ 10 ամիսներին 170 վերլուծական տեղեկանք է կազմվել ՊՎԾ-ի գնումների վերահսկողության վարչության կողմից, և որտեղ առկա են եղել խտրական չափորոշիչներ, մի մասը շտկվել են, մի մասը չեղարկվել են, կարգապահական տույժեր են կիրառվել»։
«Այն պետական գնուները, որտեղ «Եվրաասֆալտ» ընկերությունը մասնակցութուն է ունեցել, մինչ օրս խտրական չափորոշիչներ կամ առերևույթ իրավախախտումներ չեն հայտնաբերվել»,- նշեց Պետրոսյանը՝ հավելելով, որ եթե մրցակից ընկերությունները բողոք-դիմումներ ներկայացեն, ՊՎԾ-ն ձեռնամուխ կլինի փաստերի ստուգմանն ու վերհանմանը։
Մանրամասները՝ տեսանյութում։
