16.09.2026 | 09:45
ՀՀ տարածքում ավտոճանապարհներն անցանելի են
Էրդողանն ազդարարել է, որ Ռուսաստանը վերադառնում է հացահատիկային գործարքին
Քաղաքականություն
02.11.2022 | 15:00
Թուրքիայի նախագահ Ռեջեփ Թայիփ Էրդողանը հայտարարել է «հացահատիկային միջանցքի» աշխատանքների վերսկսման մասին, որն ապահովում է պարենի մատակարարումն Ուկրաիանայի նավահանգիստներից Սև ծովում։ Անադոլու գործակալության փոխանցմամբ՝ այս մասին Էրդողանը հայտնել է իշխող Արդարություն և զարգացում կուսակցության խորհրդարանական խմբակցության հետ հանդիպմանը։
Էրդողանը նշել է, որ այսօր այդ թեմայով մտադիր է հեռախոսազրույց ունենալ Ուկրաինայի նախագահ Վլադիմիր Զելենսկիի հետ։
Նա տեղեկացրել է, որ ՌԴ ՊՆ ղեկավար Սերգեյ Շոյգուն հեռախոսազրույց է ունեցել Թուրքիայի պաշտպանության նախարար Հուլուսի Աքարի հետ։ Ըստ նրա՝ Շոյգուն Աքարին հայտնել է, որ այսօր ժամը 12։00-ից հացահատիկային միջանցքով գյուղատնտեսական ապրանքների մատակարարումները վերսկսվել են։
ՌԴ ՊՆ ևս հայտարարություն է տարածել այս հարցով՝ հաստատելով, որ Մոսկվան վերադառնում է հացահատիկային գործարքին։
«Ուկրաինայից հաջողվել է ստանալ գրավոր երաշխիքներ ուկրաինական նավահանգիստների ու հումանիտար միջանցքի օգտագործման մասով՝ ՌԴ-ի դեմ ռազմական գործողությունների վարման համար, որոնք ուղարկվել են Համատեղ համակարգման կենտրոն 2022թ․ նոյեմբերի 1-ին»,-ասվում է հայտարարության մեջ։
Նաև նշվում է, որ Ռուսաստանի Դաշնությունը գտնում է, որ այս պահին ստացված երաշխիքները բավարար են թվում և վերսկսվում է համաձայնագրի իրականացումը։
ՌԴ ՊՆ-ն հայտնում է, որ այս ամենը հնարավոր է դարձրել ՄԱԿ-ի և Թուրքիայի միջնորդությամբ։
Էմմա Չոբանյան
