Քաղաքականություն
02.11.2022 | 15:15
«Բարի վերադարձ, Բիբի՛»։ Այս խոսքերն ամենաշատն են հնչել «Լիքուդ»-ի շտաբում երեքշաբթի երեկոյան, երբ հայտնի են դարձել էսզիթ փոլի արդյունքները։ Դրանց համաձայն՝ խորհրդարանական ընտրություններում հաղթել է Բենիամին Նեթանյահուի կուսակցությունը, գրում է Euronews-ը։
Այսօր առավոտյան Իսրայելի համընդհանուր ընտրությունների քվեաթերթիկները գրեթե ամբողջությամբ հաշվարկվել են և, նախնական արդյունքներով, խորհրդարանական ընտրություններում հաղթել է Բենիամին Նեթանյահուի կուսակցությունը։
Առավել անսպասելի էր այն փաստը, որ «Լիքուդ»-ի գլխավորած աջ-կրոնական դաշինքը, համաձայն վերջին տվյալների, ստանում է 65 մանդատ Կնեսետում և կարող է կառավարող կոալիցիա կազմել։
«Մենք մեծ հաղթանակի շեմին ենք։ Բայց մի բան արդեն պարզ է, մեր քաղաքականությունը՝ «Լիքուդ»-ի քաղաքականությունն արդարացրել է իրեն»,- ասել է Նեթանյահուն
Ընտրական հանձնաժողովի առաջին տվյալները Նեթանյահուի դաշինքին է՛լ ավելի մեծ առավելություն են տալիս։ Եթե իրավիճակը չփոխվի, «Լիքուդ»-ի առաջնորդը կվերադառնա վարչապետի պաշտոնին, որը մշտապես զբաղեցրել է 2009-2021 թվականները։
Նեթանյահուի հիմնական հակառակորդը՝ գործող վարչապետ Յաիր Լապիդը և նրա «Յեշ Աթիդ» կուսակցությունը, ըստ էքզիթ փոլի, ստանում են խորհրդարանում 22-ից 24 տեղ, մինչդեռ նրա աջ կենտրոնամետ դաշինքը կարող է հույս դնել 54 մանդատի վրա: Լապիդն արդեն քննադատության է ենթարկվում կոալիցիոն իր դաշնակիցների կողմից, սակայն նա ինքն է հորդորում սպասել ձայների վերջնական հաշվարկին։
«Մինչև վերջին ծրարը չբացվի, ոչինչ ավարտված չէ, վերջնական ոչինչ չկա, հետևաբար, համբերատար կսպասենք վերջնական արդյունքներին»։
Խորհրդարանում երրորդ ուժը և կոալիցիայի երկրորդ ուժը Նեթանյահուն խոստանում է լինել աջ արմատական կրոնական սիոնիզմի ցուցակը, որը գլխավորում է Իտամար Բեն-Գվիրը, ով ավելի վաղ կարողացել է հայտարարել ներքին անվտանգության նախարարի պորտֆելի նկատմամբ իր հավակնությունների մասին։ «Կրոնական սիոնիզմը» Կնեսետում ստանում է 13-ից 15 մանդատ։ Ընտրությունների պաշտոնական արդյունքների հրապարակումից հետո հաղթողը երկրի նախագահի կողմից կառավարություն ձևավորելու մանդատ կստանա։
Տաթև Ֆռանգյան
