28.06.2026 | 12:59
Երևանի մի շարք հասցեներում ջուր չի լինի
Հակոբ Արշակյանն ընտրվել է ՀԱՊԿ ԽՎ քաղաքական հարցերի և միջազգային համագործակցության հանձնաժողովի նախագահ
Քաղաքականություն
02.11.2022 | 13:59
ՀՀ Ազգային ժողովի փոխնախագահ Հակոբ Արշակյանն ընտրվել է Հավաքական անվտանգության պայմանագրի կազմակերպության (ՀԱՊԿ) Խորհրդարանական վեհաժողովի քաղաքական հարցերի և միջազգային համագործակցության մշտական հանձնաժողովի նախագահ։ Այս մասին տեղեկանում ենք կազմակերպության պաշտոնական կայքում հրապարակված հաղորդագրությունից։
Մշտական հանձնաժողովում Արշակյանի տեղակալ է ընտրվել ՌԴ Պետդումայի արտաքին հարաբերությունների հանձնաժողովի նախագահի առաջին տեղակալ Դմիտրի Նովիկովը։
Տեղեկացվում է, որ այսօր՝ նոյեմբերի 2-ին, Երևանում անցկացվում է մշտական հանձնաժողովի արտագնա նիստը։ Հակոբ Արշակյանը, որպես ՀԱՊԿ ԽՎ քաղաքական հարցերի և միջազգային համագործակցության մշտական հանձնաժողովի նախագահ, հանդիպման մասնակիցներին զեկուցել է 2022 թվականին ՀԱՊԿ նախագահության ընթացքում Հայաստանի Հանրապետության առաջնահերթությունների կատարման ընթացքը։
Հանդիպման մասնակիցները՝ ՀԱՊԿ անդամ երկրների խորհրդարանների ներկայացուցիչները, քննարկում են ՀԱՊԿ հավաքական պատասխանատվության կովկասյան տարածաշրջանում ստեղծված ռազմաքաղաքական իրավիճակը։
