11.12.2024 | 22:21
Բելառուսից թոշակառուն դատապարտվել է 4 տարվա ազատազրկման՝ Լուկաշենկոյին և ոստիկանին վիրավորելու համար
Հելսինկին կոչ է անում Թուրքիային և Հունգարիային արագացնել ՆԱՏՕ-ին Շվեդիայի և Ֆինլանդիայի անդամակցության հայտերի վավերացումը
Քաղաքականություն
02.11.2022 | 14:44
Ֆինլանդիայի վարչապետը կոչ է արել Թուրքիային և Հունգարիային արագացնել ՆԱՏՕ-ին Շվեդիայի ու Ֆինլանդիայի անդամակցության հայտերի վավերացումը։ Այս մասին գրում է Reuters-ը, որին վկայակոչում է Ահվալ գործակալությունը։
Թուրքիան և Հունգարիան ՆԱՏՕ-ի միակ անդամներն են, որոնք դեռ չեն վավերացրել Սկանդինավյան երկրների՝ ՆԱՏՕ-ին միանալու դիմումները։
«Այժմ բոլոր հայացքներն ուղղված են Հունգարիային ու Թուրքիային։ Մենք սպասում ենք, որ այս երկրները վավերացնեն մեր դիմումները։ Կարծում եմ՝ կարևոր է, որ դա տեղի ունենա հնարավորինս շուտ»,- ասել է Ֆինլանդիայի վարչապետ Սաննա Մարինը։
Հունիսին Մադրիդում կայացած գագաթնաժողովի ժամանակ Թուրքիայի, Շվեդիայի և Ֆինլանդիայի արտգործնախարարները հուշագիր են ստորագրել՝ հաստատելով, որ Թուրքիան կաջակցի Սկանդինավյան երկրների՝ ՆԱՏՕ-ին միանալու հայտերին։ Շվեդիան ու Ֆինլանդիան իրենց հերթին պարտավորվել են Թուրքիային արտահանձնել «քուրդ ահաբեկիչներին»։
Սակայն Թուրքիայից պարբերաբար հայտարարություններ են հնչում, որ Շվեդիան չի կատարում Անկարայի պայմանները։ Հենց ՆԱՏՕ-ի անդամակցության հարցը քննարկելու համար էլ առաջիկա օրերին սպասվում է Շվեդիայի վարչապետի այցը Թուրքիա։
Էմմա Չոբանյան
