28.06.2026 | 03:11
ԱԱ-2026. Անգլիան ու Խորվաթիան հաղթեցին և կխաղան փլեյ-օֆֆում. ՏԵՍԱՆՅՈՒԹ
ՔՊ-ն ամենաժողովրդավարական կուսակցությունն է, որը երբևէ գոյություն է ունեցել ՀՀ-ում. Հարությունյան․ ՏԵՍԱՆՅՈՒԹ
Քաղաքականություն
02.11.2022 | 13:41
«Քաղաքացիական պայմանագիր»-ն ամենաժողովրդավարական կուսակցությունն է, որ երբևէ գոյություն է ունեցել ՀՀ-ում՝ իր ներքին և արտաքին գործընթացներով: Այս մասին ԱԺ-ում լրագրողների հետ զրույցում նշեց վարչապետի աշխատակազմի ղեկավար Արայիկ Հարությունյանը:
Անդրադառնալով ՔՊ վարչության կազմի ընտրության վերաբերյալ հարցին՝ Հարությունյանը նշեց, որ վարչության կազմում ընտրվել են այն մարդիկ, ում ընտրել են կուսակցական պատվիրակները, ամբողջ գործընթացը ուղիղ հեռարձակմամբ բոլորի աչքի առաջ է եղել։
Հարցին, թե ինչու առանցքային դեմքերը՝ ի դեմս Արարատ Միրզոյանի և Ալեն Սիմոնյանի, չեն հայտնվել վարչության կազմում, Հարությունյանն նշեց, որ Արարատ Միրզոյանը առաջադրվածների մեջ չի եղել, իսկ թե ինչու, պետք է իրեն հարցնել:
«Ընտրության արդյունքներն արտացոլում են այն իրավիճակը, որ կա կուսակցության գործունեության առումով»,- ասաց Հարությունյանը:
ՔՊ վարչության նախագահի պաշտոնում վարչապետ Նիկոլ Փաշինյանի ընտրվելու վերաբերյալ հարցին ի պատասխան Հարությունյանը նշեց․ «Ժողովրդավարական գործընթացները ՀՀ-ում հասել են այն մակարդակի, որ մենք այլևս մեկ անձի իշխանության հաստատման վտանգներ չունենք։ Կարծում եմ՝ շատ քիչ երկրներում է այլ կերպ: Խորհրդարանական կառավարման համակարգի զարգացման առումով սա նույնպես կարևոր քայլ էր»:
Մանրամասները՝ տեսանյութում։
