17.12.2025 | 14:55
Մենք հաշվի ենք առնում ադրբեջանական և հայկական կողմերի շահերը. Կոբախիձե
Սա բռնցքամարտ չի, որ Լուկաշենկոյին կոշտ պատասխան լիներ. Արայիկ Հարությունյան․ ՏԵՍԱՆՅՈՒԹ
Քաղաքականություն
02.11.2022 | 12:45
Այն դիտարկումները, որ հրապարակել է Բելառուսի նախագահ Ալեքսանդր Լուկաշենկոն, դրանց ժամանակին պատասախաններ տրվել են: Այս մասն այսօր լրագրողների հետ զրւյցում նշեց վարչապետի աշխատակազմի ղեկավար Արայիկ Հարությունյանը։
Հիշեցնենք՝ Բելառուսի նախագահ Ալեքսանդր Լուկաշենկոն քաղաքական խաղ էր անվանել հայ-ադրբեջանական հակամարտության կարգավորմանը արևմտյան միջնորդների ներգրավումը։ «Խաղ է ընթանում։ Ես հասկանում եմ, թե ինչ խաղ է», – ասել էր Բելառուսի նախագահը:
Անդրադառնալով հարցին՝ հիմա հայկական կողմից համարժեք կոշտ պատասխան հնչե՞լ է, Արայիկ Հարությունյանն արձագանքեց. «Համարժեք կոշտ պատասխան. հո սա բռնցքամա՞րտ չի, որ կոշտ ու փափուկ լինի. մենք մեր մարտավարությունն ունենք ու ըստ դրա ենք գործում։ Յուրաքանչյուր ժամանակահատվածի համար յուրաքանչյուր կողմ ընտրում է իր գործելաոճը»:
Անդրադառնալով հարցին, թե ՀԱՊԿ-ից դուրս գալու մտադրություններ, այդ հարցի շուրջ քննարկումներ կա՞ն՝ հաշվի առնելով, որ ՀԱՊԿ-ը չի կատարում իր ստանձնած պարտավորությունները, Արայիկ Հարությունյանը նշեց, որ Հայաստանն ամեն ինչ անում է, որ ՀԱՊԿ-ը պայմանագրերով ստանձնած իր պարտականությունները կատարի:
Մանրամասները՝ տեսանյութում։
