31.10.2026 | 13:56
Հայաստանից՝ Էկվադոր. COP18-ը հյուրընկալող երկիրն ընտրված է
Անկարային ցնցել է հացահատիկային գործարքին մասնակցությունը դադարեցնելու՝ ՌԴ որոշումը․ թուրք նախարար
Քաղաքականություն
02.11.2022 | 14:15
Թուրքիան ցնցված է հացահատիկային գործարքին իր մասնակցությունը դադարեցնելու՝ Ռուսաստանի որոշումից։ Այս մասին հայտարարել է Թուրքիայի գյուղատնտեսության և անտառային տնտեսության նախարար Վահիտ Քիրիշչին, գրում է Hurriyet-ը։
«Գլոբալ տաքացման, համաճարակի և Ռուսաստան-Ուկրաինա պատերազմի պայմաններում մենք ավելի շատ հասկացանք, որ գյուղատնտեսությունը կարևոր է։ Նույնիսկ եթե գումար ու տեխնոլոգիա ունես, պարենի մատակարարումը դժվարացել է։ Հացահատիկային միջանցքով անցել է 421 նավ։ Դրանց տեղափոխած ընդհանուր ծավալը կազմել է 9,7 մլն տոննա։ Եվրոպական երկրները ստացել են բեռների 61 տոկոսը, ասիականները՝ 20, աֆրիկյան երկրները՝ 13 տոկոսը։ Մնացածը հասնում է այլ երկրներին։ Մենք ցնցված էին, երբ Ռուսաստանն ասաց՝ «Ես այդ գործով չեմ զբաղվում», որպես պատճառ նշելով հարձակումը։ Սակայն ես համոզված եմ, որ դա կհաղթահարվի մեր նախագահի գլխավորությամբ։ Մենք շարունակելու ենք աջակցել գյուղատնտեսությանն ու մեր ֆերմերներին»,- ասել է Քիրիշչին։
Հավելենք, որ հենց հացահատիկային գործարքի թեմայով Թուրքիայի նախագահ Ռեջեփ Թայիփ Էրդողանը նախօրեին հեռախոսազրույց է ունեցել ՌԴ նախագահ Վլադիմիր Պուտինի հետ։
Էմմա Չոբանյան
