15.01.2025 | 22:42
Թրամփն այլևս չի խոստանում 24 ժամում վերջ տալ Ուկրաինայի հակամարտությանը. FT
Առաջարկել եմ ռուս խաղաղապահների մանդատը երկարացնել․ առաջարկը չընդունվեց, բայց հարցն օրակարգային է․ Փաշինյան․ ՏԵՍԱՆՅՈՒԹ
Քաղաքականություն
02.11.2022 | 11:55
Հոկտեմբերի 31-ին Սոչիում կայացած եռակողմ հանդիպման ժամանակ կողմերը համաձայնության չեն եկել Լեռնային Ղարաբաղում ռուսական խաղաղապահ կոնտինգենտի մանդատը երկարացնելու շուրջ։ ԱԺ հանձնաժողովների համատեղ նիստում 2023թ–ի պետական բյուջեի նախագծի քննարկման ժամանակ հայտարարեց ՀՀ վարչապետ Նիկոլ Փաշինյանը։
«Մենք առաջարկեցինք, որ հենց Սոչիում տեղում որոշում կայացվի ԼՂ-ում տեղակայված ՌԴ խաղաղապահների մանդատը երկարացնելու վերաբերյալ` անորոշ ժամանակով, 20 տարով, 15 տարով, 5 տարով և այլն։ Մեր առաջարկն այս փուլում չընդունվեց, բայց պետք է արձանագրեմ, որ, իմ ընկալմամբ, հարցը դարձավ օրակարգային»,- նշեց վարչապետը։
Նա հիշեցրեց, որ 2020թ․ նոյեմբերի 9-ի հայտարարության համաձայն` խաղաղապահների մանդատը երկարացվում է ինքնաբերաբար, և չի երկարացվում միայն այն ժամանակ, եթե 5-ամյա ժամկետը լրանալուց 6 ամիս առաջ կողմերից մեկը առարկություն է ներկայացնում։
Փաշինյանը հայտարարեց, որ ԼՂ հայության անվտանգության և իրավունքների ապահովման երաշխիքն այսօր խաղաղապահների ներկայությունն է, քանի դեռ չեն ստեղծվել անվտանգության ապահովման հուսալի մեխանիզմներ ու երաշխիքներ։
«Քանի որ կարող է սխալ տպավորություն ստեղծվել, ես ուզում եմ ասել, որ մեր քաղաքականությունը Սոչիից առաջ ու Սոչիից հետո ոչ մի, նույնիսկ նվազագույն փոփոխություն չի կրել»,-նշեց Փաշինյանը։
Վարչապետը հավելեց, որ ինքը Սոչիում վերահաստատել է Պրահայի պայմանավորվածությունները, որոնք ադրբեջանական կողմը ևս չի հերքել։
Մանրամասները՝ տեսանյութում։
