25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Գերմանիայի կանցլերը և Թուրքիայի նախագահը դատապարտել են Մոսկվայի միջուկային հռետորաբանությունը
Քաղաքականություն
02.11.2022 | 15:46
Գերմանիայի կանցլեր Օլաֆ Շոլցը և Թուրքիայի նախագահ Ռեջեփ Թայիփ Էրդողանը հեռախոսազրույցի ընթացքում դատապարտել են ռուսական միջուկային հռետորաբանությունը։ Երկու երկրների ղեկավարների զրույցը տեղի է ունեցել նոյեմբերի 1-ին, հայտնել է Գերմանիայի կառավարության խոսնակ Շտեֆեն Հեբեստրեյտը, գրում է DW-ի ռուսական ծառայությունը։
«Գերմանիայի կանցլերն ու Թուրքիայի նախագահը համակարծիք են եղել, որ Ռուսաստանի միջուկային հռետորաբանությունն անպատասխանատու է»,- ասել է Հեբեշտրեյթը։
Շոլցը կտրականապես հերքել է Ռուսաստանի այն պնդումները, թե Ուկրաինան պատրաստվում է օգտագործել այսպես կոչված «կեղտոտ ռումբ»։
Բացի այդ, կողմերն իրենց զրույցում անդրադարձել են «հացահատիկի գործարքին»։ Գերմանիայի կանցլերը բարձր է գնահատել համաձայնագրի շրջանակում ուկրաինական հացահատիկի հետագա արտահանումն ապահովելու Թուրքիայի ջանքերը։
