30.03.2026 | 20:33
Ինչից ծագեց եկեղեցու միջադեպը․ 3 քաղաքացի ձերբակալվել է, հարուցվել է քրեական գործ. ՏԵՍԱՆՅՈՒԹ
ԵԽԽՎ պատգամավորները Արցախի ԱԺ նախագահի հետ հանդիպմանն ընդգծել են՝ իրենք արցախահայության կողքին են
Քաղաքականություն
01.11.2022 | 22:00
Նոյեմբերի 1-ին ՀՀ-ում ԱՀ մշտական ներկայացուցչությունում ԱՀ ԱԺ նախագահ Արթուր Թովմասյանի ղեկավարած պատվիրակությունն ընդունել է ԵԽ խորհրդարանականներ, Եվրոպական Խորհրդարանի նիդերլանդցի պատգամավոր, ԵԺԿ քաղաքական խմբի անդամ Արցախի հետ ԵԽ բարեկամության խմբի համահիմնադիր Պիտեր Վան Դալենին, ԵԽ նախկին փոխնախագահ, իտալացի անկախ պատգամավոր Ֆաբիո Մասիմո Կաստալդոնին, գերմանացի պատգամավոր, ԵՊՌ քաղաքական խմբի անդամ Լարս Պատրիկ Բերգին։ Այս մասին տեղեկացնում է Արցախի խորհրդարանի մամուլի ծառայությունը։
Զրուցակիցները քննարկել են 44-օրյա պատերազմի հետևանքներն ու Արցախի Հանրապետության շուրջ ծավալվող քաղաքական զարգացումները, անդրադարձ է կատարվել արտաքին քաղաքական շփումներում Արցախի համար ի հայտ եկած խոչընդոտներին։
Կողմերը մտքեր են փոխանակել ադրբեջանա-ղարաբաղյան հակամարտության ներկա փուլի, Արցախի ժողովրդի անվտանգ ու խաղաղ կյանքի իրավունքի, ինչպես նաև Ադրբեջանի ձգտումների զսպման հարցերի շուրջ։ Հյուրերն իրենց կամքն են հայտնել Արցախի կողքին լինել այս խնդիրների բարձրաձայնման հարցում և ընդգծել են իրենց պատրաստակամությունը’ սատարելու արցախահայությանն այս հարցերի հաղթահարման ճանապարհին:
