Քաղաքականություն
01.11.2022 | 21:52
ՆԱՏՕ-ի գլխավոր քարտուղար Յենս Ստոլտենբերգը սոցիալական ցանցում գրառում է արել, որտեղ նշել է, որ հեռախոսազրույց է ունեցել Ֆինլանդիայի ու Շվեդիայի վարչապետների հետ, գրում է Ermenihaber-ը։
Նա մասնավորապես ընդգծել է, որ ՆԱՏՕ-ին անդամակցելու Ֆինլանդիայի ու Շվեդիայի հայտն ապացույցն է այն բանի, որ յուրաքանչյուր երկիր իրավունք ունի ընտրելու սեփական ուղին։
Անդրադառնալով Ռուսաստանին՝ Ստոլտենբերգը գրել է․ «Ռուսաստանը պետք է հարգի այլ երկրների իրավունքները և դադարեցնի Ուկրաինայում ընթացող պատերազմը»։
Կայքը նաև հիշեցնում է, որ նոյեմբերի 4-ին Ստամբուլում հանդիպում է նախատեսվում Ստոլտենբերգի և Թուրքիայի նախագահ Ռեջեփ Թայիփ Էրդողանի միջև, իսկ նոյեմբերի 8-ին Անկարայում Էրդողանը կընդունի Շվեդիայի նորանշանակ վարչապետ Ուլֆ Կրիստերսսոնին։
