07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Բոլոր խնդիրները մանրակրկիտ ուսումնասիրվում են. Արցախի պետնախարարը՝ ցուցարարներին. ՏԵՍԱՆՅՈՒԹ
Քաղաքականություն
03.06.2018 | 18:42
Քիչ առաջ Արցախի Հանրապետության պետնախարար Արայիկ Հարությունյանը եկել է Ստեփանակերտի ավտոկայանի դիմաց առավոտվանից մեկնարկած հանրահաքի մասնակիցների մոտ և մի քանի ուշագրավ հայտարարություններ արել:
Նա, մասնավորապես, ասել է. «Ուզում եմ վստահեցնել, որ նախագահի հետ հանդիպման ժամանակ բարձրացրած բոլոր խնդիրները մանրակրկիտ ուսումնասիրվում են: Եթե կան օբյեկտիվ կամ սուբյեկտիվ խնդիրներ, պետք է լուծենք միասին: Մենք քույր ու եղբայրներ ենք: Կոչ եմ անում, որպեսզի ընթացքում հանրային վերահսկման մեխանիզմներն ուժեղացնենք՝ հասարակական կազմակերպությունների տեսքով կլինի, ամենօրյա շփումների տեսքով կլինի, իսկ ես խոստանում եմ, որ ավելի հաճախ հանդիպումներ եմ ունենալու և այսպես ակտիվացնենք մեր հարաբերությունները և զարգացնենք մեր երկիրը», – ասել է պետնախարարը:
Հիշեցնենք, հունիսի 1-ին Ստեփանակերտում ԱԱԾ մի խումբ աշխատակիցներ, ըստ ականատեսների, ծեծի են ենթարկել երկու քաղաքացու՝ ոստիկանների ներկայությամբ։ Միջադեպը մեծ արձագանք է ստացել, որից հետո քաղաքացիները բողոքի ակցիաներ են սկսել: Նրանք արդեն երրորդ օրն է՝ փակ են պահում Ստեփանակերտի կենտրոնական պողոտան և պահանջում ուժային կառույցների ղեկավարության հրաժարականները: Ակցիային մասնակցելու են եկել նաև Արցախի շրջկենտրոններից ու գյուղերից: Հանրահավաքին մասնակցում են հարյուրավոր մարդիկ:
