25.06.2026 | 21:55
Աջապահյանը չարդարացվեց, բայց ազատվեց տնային կալանքից․ առաջին ատյանի դատավճիռը «ոչ պատշաճ» է ճանաչվել. ՏԵՍԱՆՅՈՒԹ
Եվրոպական 41 երկրների շարքում Վրաստանը մեդիագրագիտության ինդեքսով վերջին տեղում է
Քաղաքականություն
01.11.2022 | 23:05
«Եվրոպական քաղաքականության նախաձեռնության» (EuP) և Սոֆիայի Բաց հասարակության ինստիտուտի (OSIS) զեկույցի համաձայն, Եվրոպական 41 երկրների շարքում Վրաստանը մեդիագրագիտության ինդեքսով վերջին տեղում է։ Այս մասին գրում է Aliq Media-ն։
Առաջին հնգյակում են Ֆինլանդիան, Նորվեգիան, Դանիան, Էստոնիան և Իռլանդիան։
Հեղինակների խոսքով՝ հետազոտությունը ցույց է տվել, որ Հյուսիսային և Արևմտյան Եվրոպայի երկրները շատ ավելի ունակ են պաշտպանվելու կեղծ տեղեկատվությունից, քան Հարավարևելյան և Արևելյան Եվրոպայի երկրները։
Առավելագույն 100 միավորից Վրաստանն ունի ընդամենը 20 միավոր և այս ցուցակում զբաղեցնում է վերջին տեղը։
Կովկասի մյուս երկրներն ընդգրկված չեն ցանկում։ Ռուսաստանը նույնպես ցուցակում չկա։
Վրաստանի հարևան երկրներից հետազոտության մեջ ընդգրկվել է միայն Թուրքիան, որը Վրաստանից առաջ է 11 միավորով։
Վրաստանը հետ է մնում Հյուսիսային Մակեդոնիայից, Կոսովոյից, Բոսնիա-Հերցեգովինայից և Ալբանիայից։
Ուկրաինան 39 միավորով զբաղեցնում է 29-րդ տեղը։
«Եվրոպական քաղաքականության նախաձեռնությունը» (EuP) և Սոֆիայի Բաց հասարակության ինստիտուտը (OSIS) ամեն տարի գնահատում են մեդիա գրագիտության մակարդակը եվրոպական երկրներում 2017 թվականից ի վեր։
Այս զեկույցի մեթոդոլոգիան, իր հերթին, հիմնված է տարբեր միջազգային ցուցանիշների վրա՝ Freedom House-ի և «Լրագրողներ առանց սահմանների», մամուլի ազատության ինդեքսների և տարբեր տվյալների վրա։
Հարկ է նշել, որ այս տարվա վարկանիշում հեղինակներն առաջին անգամ են ներառել Վրաստանը։
