26.08.2026 | 15:10
Սերժ Սարգսյանի նկատմամբ խափանման միջոց է ընտրվել // Ընդդիմությունից ԱԺ հանձնաժողովի նախագահ ընտրվեց․ ԼՈՒՐԵՐ
Փաշինյան-Ռայիսի հանդիպման արդյունքները․ Լուկաշենկոն բողոքել է Հայաստանի նախաձեռնությունից․ Լուրեր
01.11.2022 | 18:40
- Իրանի նախագահ Էբրահիմ Ռայիսին հայտարարել է, որ Հայաստանի վարչապետ Նիկոլ Փաշինյանի հետ ունեցած բանակցություններում եկել են եզրակացության, որ տարածաշրջանի հարցերը, խնդիրները պետք է անպայման տարածաշրջանի երկրների պատասխանատուների միջոցով լուծումներ գտնեն, և օտար ուժերի ներկայությունը ոչ միայն որևէ խնդիր չի լուծում, այլ խնդիրներն ավելացնում է:
- Վարչապետ Նիկոլ Փաշինյանն էլ ասել է, որ ընդգծում և գնահատում են Իրանի սկզբունքային դիրքորոշումները տարածաշրջանային անվտանգության և կայունության ապահովման առումով: Փաշինյանը նշել է, որ Ռայիսիին պատմել է երեկ Սոչիում տեղի ունեցած եռակողմ հանդիպման արդյունքների մասին և կիսել է տպավորությունները տարածաշրջանում կայունություն և խաղաղություն հաստատելու օրակարգի և ընթացիկ գործընթացների շուրջ:
- Հանդիպման ընթացքում Հայաստանն ու Իրանը փոխըմբռնման հուշագիր են ստորագրել էլեկտրաէներգետիկայի և գազի վերաբերյալ համաձայնագրի երկարաձգման վերաբերյալ։
- Բելառուսի նախագահ Ալեքսանդր Լուկաշենկոն այսօր վրդովմունք է հայտնել, թե ինչու պետք է Բելառուսից և այլ երկրներից դիտորդներ ուղարկվեն հայ-ադրբեջանական սահման։ Նա ասել է, թե Ռուսաստանը հակամարտության միջնորդ է, և դա պետք է բավարար լինի, կարիք չկա, որ այնտեղ տեղակայվեն ԵՄ, ԵԱՀԿ և ՀԱՊԿ դիտորդներ։
Այս ժամի լուրերը՝ տեսանյութում։
