27.06.2026 | 21:49
Վուչիչը հայտարարել է նախագահի պաշտոնում իր «վերջին օրերի» մասին
ՀԱՊԿ-ի հաջորդ գագաթնաժողովը տեղի կունենա նոյեմբերի 23-ին Երևանում
Քաղաքականություն
01.11.2022 | 15:10
ՀԱՊԿ Հավաքական անվտանգության խորհուրդը, որտեղ երկրների ղեկավարները կքննարկեն Հայաստանին տրամադրվող օգնությունը, նախատեսված է նոյեմբերի 23-ին Երևանում։ Այս մասին հայտնել են կազմակերպությունից, գրում է ՌԻԱ Նովոստին։
«Բելառուսի նախագահը հանդիպել է ՀԱՊԿ գլխավոր քարտուղարի հետ։ Կողմերը քննարկել են կազմակերպության պատասխանատվության ոլորտում ստեղծված իրավիճակը, այդ թվում՝ հոկտեմբերի 28-ին կայացած ՀԱՊԿ Հավաքական անվտանգության խորհրդի արտահերթ նիստի արդյունքները։ Ստանիսլավ Զասը տեղեկացրել է Ալեքսանդր Լուկաշենկոյին նոյեմբերի 23-ին Երևանում նախատեսված ՀԱՊԿ Հավաքական անվտանգության խորհրդի հաջորդ նիստի նախապատրաստման, ինչպես նաև Հավաքական անվտանգության խորհրդի մի շարք առանձին հանձնարարականների կատարման վերաբերյալ»,- ասվում է կազմակերպության Telegram ալիքի հրապարակման մեջ։
Ավելի վաղ հաղորդվել էր, որ նիստը տեղի կունենա նոյեմբերի վերջին, կքննարկվի հայ-ադրբեջանական սահմանին տիրող իրավիճակը։
Տաթև Ֆռանգյան
