16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Զապորոժիա ԱԷԿ-ի էներգաբլոկը փակվել է ականի պայթյունի պատճառով․ ՄԱԳԱՏԷ
Քաղաքականություն
01.11.2022 | 14:17
Զապորոժիեի ատոմակայանի չորրորդ էներգաբլոկի էլեկտրամատակարարման գծի աշխատանքը դադարեցվել է ականի պայթյունի պատճառով։ Այս մասին հայտարարել է Ատոմային էներգիայի միջազգային գործակալության գլխավոր տնօրեն Ռաֆայել Գրոսսին։
«Ականի պայթյունը ընդհատել է Զապորոժիեի ատոմակայանի էներգաբլոկներից մեկի հիմնական էլեկտրամատակարարման գծի աշխատանքը, ինչը վերջին միջադեպն էր, որն ընդգծում է ընթացիկ ռազմական հակամարտության ընթացքում օբյեկտում անկայուն իրավիճակը միջուկային և ֆիզիկական միջուկային անվտանգության առումով»,- ասել է նա։
ՄԱԳԱՏԷ-ն հիշեցրել է, որ հոկտեմբերի 30-ի երեկոյան ԶԱԷԿ-ի պարագծային պարսպից դուրս պայթյուն է տեղի ունեցել, ինչի հետևանքով 750 կիլովոլտ լարման արտաքին էլեկտրահաղորդման գիծն անջատվել է կայանի անջատիչի և թիվ 4 էներգաբլոկի հիմնական էլեկտրական տրանսֆորմատորի միջև։
Տաթև Ֆռանգյան
