09.10.2026 | 14:52
Չեռնոգորիայում ձերբակալվել է ՀՀ ընտրություններին միջամտած «Рыбарь» նախագծի ղեկավար Միխայիլ Զվինչուկը
Անկարան կարծում է, որ Շվեդիան չի կատարում ՆԱՏՕ-ին միանալու համար Թուրքիայի առաջադրած պայմանները
Քաղաքականություն
01.11.2022 | 19:44
Թուրքիան կարծում է, որ Շվեդիան բավական ջանքեր չի գործադրում Անկարայի պահանջները կատարելու համար, որ համաձայնություն ստանա ՆԱՏՕ-ին անդամակցելու համար։ Այս մասին հայտարարել է իշխող Թուրքիայի «Արդարություն և զարգացում» կուսակցության խոսնակ Օմեր Չելիքը, որին վկայակոչում է շվեդական SVT-ին, գրում է ՏԱՍՍ-ը։
«Հայտարարությունները, որոնք անում է Շվեդիան, լավն են, բայց քանի դեռ դրանք չեն իրականացվել, բավարար չեն»,- ասել է Չելիքը։
Հավելենք, որ այս հայտարարությունն արվում է Շվեդիայի նորանշանակ վարչապետի՝ Թուրքիա այցին ընդառաջ։ Նոյեմբերի 8-ին Շվեդիա է ժամանելու վարչապետ Ուլֆ Քրիստերսոնը՝ քննարելու ՆԱՏՕ-ին Շվեդիայի անդամակցության հարցը։ Նոյեմբերի 4-ին էլ Թուրքիա է այցելելու ՆԱՏՕ-ի գլխավոր քարտուղար Յենս Ստոլտենբերգը։
Թուրքիան և Հունգարիան ՆԱՏՕ-ի միակ երկրներն են, որոնք դեռ չեն վավերացրել Շվեդիայի ու Ֆինլանդիայի՝ դաշինքին անդամակցության հայտը։
Էմմա Չոբանյան
