24.05.2026 | 15:05
Եկեղեցու սպասավորները իշխանությունների կողմից ենթարկվում են հետապնդումների ու ազատազրկման․ Գարեգին Բ․ ՏԵՍԱՆՅՈւԹ
Եռակողմ նոր հայտարարությունը և դրանից դուրս մնացած հարցերը․ Փաշինյանն Իրանում է․ Լուրեր
Հասարակություն
01.11.2022 | 13:00
- Սոչիում Նիկոլ Փաշինյան – Իլհամ Ալիև – Վլադիմիր Պուտին եռակողմ հանդիպման արդյունքում հերթական եռակողմ հայտարարությունն է ընդունվել։ Դրանում, սակայն, որևէ իշատակում չկա Լեռնային Ղարաբաղի մասին։ Տեքստում նշվում է մնացած հումանիտար խնդիրները լուծելու մասին, ինչպես նաև խաղաղության հասնելու նպատակներից։
- Հանդիպումից հետո Ռուսաստանի նախագահը ասուլիս է ունեցել, որի ժամանակ հայտնել է, որ Հայաստանի վարչապետի առաջարկով քննարկվել է Արցախում ռուս խաղաղապահների մանդատի երկարացումը։ Ըստ Պուտինի՝ այդ հարցի լուծումը կախված կլինի այլ հարցերից՝ հնարավոր խաղաղության պայմանագրի կնքումից, սահմանների դեմարկացիայից ու դելիմիտացիայից։ Պուտինն ասել է, որ եթե այդ հարցերը լուծվեն, ապա խաղաղապահների հարցը այլ կերպ կդրվի, եթե չլուծվեն կամ որոշ չափով լուծվեն՝ դրանից կախված կլինի ռուս խաղաղապահ առաքելության ճակատագիրը
- Պուտինը նաև ասել է, որ եղել են հարցեր, որոնց դեպքում հնարավոր չի եղել համաձայնության հասնել, բայց չի նշել, թե որոնք են այդ հարցերը։
- Սոչի այցից ու եռակողմ հանդիպումից հետո Փաշինյանը մեկնել է Իրան։ Թեհրանում այսօր արդեն կայացել է ՀՀ վարչապետի և ԻԻՀ նախագահ Էբրահիմ Ռայիսիի հանդիպումը: Երկու երկրի ղեկավարների զրույցից հետո նախատեսված է Իրան-Հայաստան բարձրաստիճան պատվիրակությունների համատեղ նիստը:
Այս ժամի լուրերը՝ տեսանյութում։
