16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Պետդումայի պատգամավորներն առաջարկել են 5 տարով ազատազրկել մոբիլիզացիայից խուսափելու համար
Քաղաքականություն
01.11.2022 | 13:53
Պետդումայի պատգամավորները մտադիր են օրինագիծ ներկայացնել, որը նախատեսում է քրեական պատասխանատվություն զորահավաքի շրջանակում զորակոչից խուսափելու համար։ Այս մասին գրում է «Իզվեստիա»-ն՝ վկայակոչելով Դումայում սեփական աղբյուրները: Իսկ նախաձեռնության մանրամասների մասին «Ինտերֆաքս»-ին հայտնել է օրինագծի հեղինակներից Էռնեստ Վալեևը։
Քրեական օրենսգրքում առաջարկվող փոփոխությունները նախատեսում են, որ մոբիլիզացիայից խուսափելու համար սպառնում է տուգանք՝ 200-ից 500 հազար ռուբլու չափով կամ մեկից երեք տարի ժամկետով հարկադիր աշխատանքով կամ ազատազրկում՝ մինչև հինգ տարի ժամկետով։
Քրեական պատասխանատվությունը, ըստ Էռնեստ Վալեևի, կլինի միայն նրանց համար, ովքեր կխուսափեն զորահավաքի կոչից այն բանից հետո, երբ պաշտոնապես ծանուցում կստանան զինկոմիսարիատից։
Վալեևը նշել է, որ օրինագիծը փակում է օրենսդրական բացը, քանի որ այժմ Ռուսաստանի Դաշնության Քրեական օրենսգիրքը պատասխանատվություն է նախատեսում միայն զինվորական ծառայությունից խուսափելու համար։ Պատգամավորն ասել է, որ այս նախաձեռնությունը չի ազդի սեպտեմբերի 21-ին սկսված «մասնակի զորահավաքի» վրա, «քանի որ պաշտոնապես հայտարարվել է, որ զորահավաքն ավարտված է»։
