31.10.2026 | 13:56
Հայաստանից՝ Էկվադոր. COP18-ը հյուրընկալող երկիրն ընտրված է
Սեպտեմբերին 50 հազարով ավելի աշխատատեղ ունենք նախորդ տարվա համեմատ․ Քերոբյան․ ՏԵՍԱՆՅՈՒԹ
Տնտեսություն
01.11.2022 | 12:01
Հայաստանի տնտեսության արտադրողականությունը բավական ցածր է։ Այս մասին այսօր ԱԺ տնտեսական հարցերի ու ֆինանսավարկային և բյուջետային հարցերի մտական հանձնաժողովների համատեղ նիստում 2023թ․ պետական բյուջեի նախագիծը ներկայացնելիս ասաց ՀՀ էկոնոմիկայի նախարար Վահան Քերոբյանը։
«2021թ–ին ՀՀ յուրաքանչյուր աշխատող քաղաքացի 1 ժամում ՀՆԱ–ում ընդամենը 7 դոլարի ներդրում է ունեցել։ Դա մոտավորապես 7-8 անգամ ավելի քիչ է, քան OSCD (Տնտեսական համագործակցության և զարգացման կազմակերպություն) երկրների միջին ցուցանիշը։ Կան երկրներ, որոնք 100 դոլարից ավելի արտադրողականություն ունեն։ Մենք բավական երկար ճանապարհ ունենք անցնելու, որպեսզի մեր երկրի արտադրողականությունը մոտ լինի զարգացած երկրների ցուցանիշին»,- նշեց Քերոբյանը։
Նախարարի դիտարկմամբ՝ Հայաստանում առաջին տեղում գործազրկության ու թափուր աշխատատեղերի համալրման խնդիրներն են, մինչդեռ ընկերություններում արտադրողականությունը բարձրացնելու մասին գրեթե չի խոսվում։
«Իր հերթին ընկերությունների արտադրողականության աճն անուղղակիորեն բերելու է աշխատատեղերի աճի, քանի որ արտադրողականության աճը բերում է մրցակցության, թողարկման ծավալների վելացման, հետևաբար` ընկերություններն ավելի շատ մարդկանց կարիք են ունենում»,- նշեց Քերոբյանը։
Նա նաև հավելեց, որ այս տարվա սեպտեմբերին անցած տարվա նույն ժամանակահատվածի համեմատ Հայաստանում գրանցված շխատատեղերի թիվն ավելացել է շուրջ 50 000–ով։
Մանրամասները՝ տեսանյութում։
