18.08.2026 | 13:50
Արեգնազ Մանուկյանի և դստեր հանդիպման արգելքի մասին տեղեկություն ենք ուզել իրավապահներից. Մինասյան․ ՏԵՍԱՆՅՈՒԹ
Փհենյանն ԱՄՆ-ից և Հարավային Կորեայից պահանջել է դադարեցնել լայնածավալ զորավարժությունները
Քաղաքականություն
01.11.2022 | 22:22
Հյուսիսային Կորեան ԱՄՆ-ից և Հարավային Կորեայից պահանջել է դադարեցնել լայնածավալ զորավարժությունները՝ դրանք անվանելով սադրանք, որը կարող է հանգեցնել Փհենյանի «ուժեղ պատասխանին»։
«Իրավիճակը Կորեական թերակղզում և նրա շուրջը կրկին թևակոխել է ուժ ընդդեմ ուժի լուրջ առճակատման փուլ՝ ԱՄՆ-ի և Հարավային Կորեայի անվերջ անխոհեմ գործողությունների պատճառով»,- ասվում է ԿԺԴՀ արտաքին գործերի նախարարության հայտարարության մեջ, փոխանցում է VOA-ն։
ԱՄՆ-ը և Հարավային Կորեան երկուշաբթի խոշորագույն համատեղ օդային զորավարժություններից մեկն են սկսել, որոնց ընթացքում երկու կողմերի հարյուրավոր ռազմական ինքնաթիռներ 24 ժամ շարունակ կիրականացնեն ուսումնական հարձակումներ:
«Vigilant Storm» վարժանքները կշարունակվեն մինչև ուրբաթ։ ԱՄՆ ռազմաօդային ուժերը հայտնել են, որ դրանց կմասնակցի մոտ 240 ռազմական ինքնաթիռ, որոնք կիրականացնեն մոտ 1600 թռիչք։
Տաթև Ֆռանգյան
