16.01.2025 | 09:53
«Հայաստան-ԵՄ ռազմավարական գործընկերության խթանումը Վիշեգրադյան քառյակի փորձի հիման վրա». ՈՒՂԻՂ
Իսրայելում վերջին 3 տարում արդեն հինգերորդ խորհրդարանական ընտրություններն են
Քաղաքականություն
01.11.2022 | 13:15
Իսրայելում արտահերթ խորհրդարանական ընտրություններ են, որոնք արդեն հինգերորդն են 2019 թվականի ապրիլի 9-ից ի վեր։ Տեղական ժամանակով 07:00-ին բացվել են շուրջ 12 հազար ընտրատեղամասեր: Քվեարկությունը կշարունակվի մինչև 22։00-ն։ Դրանց փակվելուց հետո կհրապարակվեն «էքզիթ փոլի» արդյունքները և կսկսվի քվեաթերթիկների հաշվարկը։ Այս ընտրությունների արդյունքների հիման վրա կորոշվի 25-րդ գումարման Կնեսետի (խորհրդարանի) կազմը, որից հետո կսկսվի կառավարական կոալիցիա կազմելու գործընթացը, գրում է ՏԱՍՍ-ը։
ԿԸՀ-ի տվյալներով՝ այս ընտրություններին քվեարկելու իրավունք ունի 6,78 մլն ընտրող։ Ըստ օրենքի՝ դրանք երկրի 18 տարեկանից բարձր քաղաքացիներ են, ովքեր քվեարկության օրը գտնվում են հրեական պետությունում կամ դրանից դուրս՝ պաշտոնական գործուղումների մեջ։
Ընտրություններն անցկացվում են անվտանգության ուժեղացված միջոցառումների պայմաններում։ Երկրում կարգուկանոն ապահովելուն ներգրավվել է մոտ 18 հազար ոստիկան։
Վերջին հարցումների համաձայն՝ նախկին վարչապետ Բենիամին Նեթանյահուի «Լիքուդ» կուսակցությունն ամենաշատ ձայները կհավաքի և մեծամասնության համար անհրաժեշտ 61 մանդատից կստանա մոտ 30 մանդատ։ Ամենայն հավանականությամբ, հենց նրան կհանձնարարվի կառավարության ձևավորումը, որը կարող է տեղի ունենալ շաբաթների կամ ամիսների բանակցությունների արդյունքում։ Եթե նա պարտվի, ապա այդ առաքելությունը կարող է վստահվել ներկայիս վարչապետ Յաիր Լապիդին, որի ղեկավարած «Եշ ատիդ» կուսակցությունը, ըստ հարցումների, վարկանիշով երկրորդն է։
Տաթև Ֆռանգյան
