23.03.2026 | 17:20
Փաշինյանն ու Պուտինը պայմանավորվել են քննարկումը շարունակել հանդիպման ձևաչափով
Երևանի և Բաքվի միջև դեռ չկա խաղաղության պայմանագիր, բայց կան նախադրյալներ․ Պուտին․ ՏԵՍԱՆՅՈՒԹ
Քաղաքականություն
01.11.2022 | 10:30
Երևանի և Բաքվի միջև խաղաղության պայմանագիր դեռևս չկա, բայց, ըստ ՌԴ նախագահ Վլադիմիր Պուտինի, կան նախադրյալներ, որոնք ենթադրաբար պայմաններ կստեղծեն Հայաստանի և Ադրբեջանի միջև հակամարտությունը կարգավորելու համար։ Այս մասին Պուտինը հայտարարել է Սոչիում Հայաստանի և Ադրբեջանի ղեկավարների հետ եռակողմ հանդիպմանը հաջորդած ասուլիսում։
«Այդ փաստաթղթի հիմնական բաղադրիչների մասին այստեղ խոսելը դեռևս վաղաժամ է, քանի որ, ի վերջո, սա հաստատ փոխզիջման հարց է, որը պետք է ձեռք բերվի երկու կողմերի միջև՝ միջնորդությամբ, եթե երկու պայմանավորվող կողմերը ցանկանում են՝ մեր երկրի միջնորդությամբ»,- հայտարարել է Պուտինը։
Հիշեցնենք, որ հոկտեմբերի 31-ին Սոչիում հանդիպել են Ռուսաստանի, Հայաստանի և Ադրբեջանի ղեկավարները և քննարկել 2020 թվականի նոյեմբերի 9-ի, հունվարի 11-ի և 2021 թվականի նոյեմբերի 26-ի եռակողմ համաձայնագրերի կատարման ընթացքը։ Հանդիպման արդյունքում նոր եռակողմ հայտարարություն է ընդունվել։
Մանրամասները՝ տեսանյութում
Տաթև Ֆռանգյան
