16.01.2026 | 22:40
Ժաննա Անդրեասյանին շնորհվել է Մատենադարանի երախտագիտության մեդալ
Ռուս խաղաղապահների մանդատի երկարաձգման հարցը մի շարք այլ հարցերից է կախված. Պուտին
Քաղաքականություն
01.11.2022 | 10:21
Սոչիի եռակողմ հանդիպման ժամանակ քննարկվել է Լեռնային Ղարաբաղում ռուս խաղաղապահների մանդատի երկարաձգման հարցը, որն առաջարկվել է ՀՀ վարչապետ Նիկոլ Փաշինյանի կողմից։ Այս մասին հանդիպումից հետո կայացած ասուլիսում հայտնել է Վլադիմիր Պուտինը։ ՌԴ նախագահը նշել է, որ ռուս խաղաղապահների մանդատի երկարաձգման հարցը համատեղ պայմանավորվածություն է ենթադրում։
«Այն կախված կլինի այլ հարցերից՝ հնարավոր խաղաղության պայմանագրի կնքումից, սահմանների դեմարկացիայից ու դելիմիտացիայից, եթե այդ հարցերը լուծվեն, ապա խաղաղապահների հարցը այլ կերպ կդրվի, եթե չլուծվեն կամ որոշ չափով լուծվեն՝ դրանից կախված կլինի մեր խաղաղապահ առաքելության ճակատագիրը»,- ասել է Պուտինը։
ՌԴ ղեկավարը, սակայն, ընդգծել է, որ երկու կողմերն էլ բարձր են գնահատել ՌԴ տարած աշխատանքն այդ ուղղությամբ։
Հիշեցնենք, որ հոկտեմբերի 31-ին Սոչիում հանդիպել են Ռուսաստանի, Հայաստանի և Ադրբեջանի ղեկավարները և քննարկել 2020 թվականի նոյեմբերի 9-ի, հունվարի 11-ի և 2021 թվականի նոյեմբերի 26-ի եռակողմ համաձայնագրերի կատարման ընթացքը։ Հանդիպման արդյունքում նոր եռակողմ հայտարարություն է ընդունվել։
Մանրամասները՝ տեսանյութում
Տաթև Ֆռանգյան
