20.11.2024 | 18:30
Կարինե Քոչարը՝ Ռուբեն Քոչարի մեղադրանքների մասին
130 կմ² և ավելի տարածք է հակառակորդը գրավել. ԳՇ պետ․ ՏԵՍԱՆՅՈւԹ
Քաղաքականություն
31.10.2022 | 19:08
Նախորդ տարվանից սկսած՝ տարածքային կորուստների հետ կապված՝ տարբեր թվեր են շրջանառվում․ նախ հայտնի էր, որ 40 քառ․ կմ կորուստ ենք ունեցել 2021թ․, հետո Նիկոլ Փաշինյանն ԱԺ-ում հայտարարեց, որ ևս 10 քառ․ կմ կորցրել ենք այս տարվա սեպտեմբերյան ագրեսիայի ժաանակ, իսկ ՔՊ պատգամավոր Արմեն Խաչատրյանը Ռուսաստանում հայտնեց, որ վերջին 2 տարվա ընթացքում Հայաստանը 127 քառ․ կմ տարածք է կորցրել։ Ու՞մ հավատալ։ ԱԺ–ում լրագրողների հետ զրույցում Factor TV-ի այս հարցին ի պատասխան` ՀՀ զինված ուժերի ԳՇ պետ Էդվարդ Ասրյանը նշեց, որ նրանց բոլորին էլ պետք է հավատալ, քանի որ կան հաշվարկի տարբեր մեթոդներ։
«ՀՀ վարչապետ Փաշինյանը այդ հայտարարությունն արել է այն ժամանակ, երբ մեր տարածքային կորուստը եղել է 10 քառ կմ։
Եթե այդ տարածքների կորուստը հաշվում ենք մեր առաջնագծից խորությամբ, ապա այդ թիվը ավելի քիչ է կազմում: Կան տարածքների մակերեսի հաշվարկման տարբեր մեթոդներ: Համապատասխան ճակատով և համապատասխան խորությամբ բոլոր ուղղություններում հակառակորդի մխրճում չի արձանագրվել: Կան որոշ հատվածներ, որոնց մխրճման վերջավորությունը, գագաթը հասնում է օրինակ, 3,5 կմ, բայց թևերը ընդամենը 100-200 մետր են:
Տեղանքի գոգավորություներից ելնելով՝ այդ հաշվարկները տարբեր մարդկանց կողմից կատարվում են տարբեր ձևով:
Որպեսզի հաշվենք, թե որքան տարածքում է հակառակորդը գտնվում մեր տարածքում, չպետք է հաշվենք իրենց առաջնագիծը, մեր առաջնագիծը, պետք է հաշվի առնենք ՀՀ պետական սահմանը և այն, թե սահմանային ինչքան կորուստ ունենք:
Կան դիրքեր, որտեղ հակառակորդը գտնվում է մեր պետական սահմանից հետ, կան դիրքեր, որ գտնվում է մեր սահմանից առաջ: Նման դեպքում առաջանում են մակերեսի հաշվարկման տարբերություններ»,- նշեց ԳՇ պետը:
Մանրամասները՝ տեսանյութում։
