20.11.2024 | 18:30
Կարինե Քոչարը՝ Ռուբեն Քոչարի մեղադրանքների մասին
«Աչքս ծակեցին ՌԴ դրոշները»․ Արցախի հանրահավաքն ու ՀՀ իշխանության արձագանքը․ ՏԵՍԱՆՅՈՒԹ
Քաղաքականություն
31.10.2022 | 19:30
«Վերացական մեկնաբանություններ են»․ ՀՀ Ազգային ժողովի նախագահ Ալեն Սիմոնյանն այսպես արձագանքեց երեկ Արցախի խորհրդարանի ընդունած հայտարարության հիմնական կետերին։ Հայտարարությունը, որով Արցախի խորհրդարանականները դիմում են Ռուսաստանին՝ Արցախի ժողովրդի անվտանգությունն ապահովելու հանձնառությունը շարունակելու խնդրանքով, ընդունվեց երեկ Արցախի Ազգային ժողովը արտահերթ նիստում: Մի քանի կետից բաղկացած հայտարարության մեջ նաև ասվում է՝ Արցախի ինքնիշխանությունը, ինքնորոշման իրավունքը և դրա իրացման փաստը կասկածի տակ դնող ցանկացած փաստաթուղթ և առաջարկ անընդունելի է, քանի որ այն, ըստ Արցախի օրենսդիր մարմնի ներկայացուցիչների, չի արտացոլում պատմաիրավական իրողությունները։
Ստեփանակերտից հնչած այս հայտարարությունների ֆոնին Ալեն Սիմոնյանը շեշտում է՝ վերջին 30 տարվա ընթացքում Արցախի խնդրի լուծման ավելի բարենպաստ պայմաններ չեն եղել։ Սակայն հաշվի առնելով առկա մտահոգությունները, որ Հայաստանի իշխանությունը իրավունք չունի Արցախի գոյությունը վտանգող փաստաթուղթ ստորագրել, Սիմոնյանը վերահաստատում է իշխանության դիրքորոշումը՝ Բաքվի հետ պետք է բանակցի Ստեփանակերտը։
ԱԺ-ի արտահերթ նիստին զուհագեռ երեկ Ստեփանակերտի Վերածննդի հրապարակում բազմամարդ հանրահավաք էր ընթանում։ Հանրահավաքը հստակ ուղերձ էր Արցախից՝ ուղղված հայ ժողովրդին․ այսօրվա ասուլիսին հայտարարեց դիմադրության շարժման առաջնորդ Իշխան Սաղաթելյանը։ Տեղեկացրեց՝ նոյեմբերի 5-ին հանրահավաք է նախատեսված նաև Երևանում։
Արցախում, նաև Երևանում սպասվող հանրահավաքները բանակցային գործընթացի վրա որևէ էական ազդեցություն չեն ունենա։ Վստահ է Անվտանգային քաղաքականության հետազոտական կենտրոնի նախագահ Արեգ Քոչինյանը։ Այդ գործընթացները, ըստ փորձագետի, կմնան ներհայաստանյան օրակարգում։ Ըստ նրա՝ Ռուսաստանը անպատասխան կթողնի նաև Արցախի ԱԺ-ի հայտարարությունը։
Հանրահավաքները կփոխե՞ն բանակցային գործընթացի հունը, թե ոչ ՀՀ Ազգային ժողովի նախագահը դժվարացավ ասել։ Ալեն Սիմոնյանի ուշադրությունից, սակայն Ստեփանակերտի երեկվա հանրահավաքից որոշ կադրեր չեն վրիպել։ «Աչքս ծակեցին ՌԴ դրոշները»,- նշեց նա։
Ներքաղաքական այս զարգացումների ֆոնին այսօր Սոչիիում ռուսական կողմի նախաձեռնությամն հանդիպում են Հայաստանի, Ադրբեջանի և Ռուսաստանի նախագահները։ Հայկական կողմը մինչ այս և այսօր ամենաբարձ մակարդակով հայտարարել է, որ պատրաստ է ընդունել հարաբերությունների կարգավորման ռուսական առաջարկները, եթե Ռուսաստանը աջակցի ավելի վաղ ներկայացրած իր իսկ առաջարկներին։
Մանրամասները՝ տեսանյութում։
Շողիկ Գալստյան
