16.09.2026 | 14:31
ԵՀ նախագահը Կանադային առաջարկել է դառնալ միության առաջին «ասոցացված անդամը»
Սոչիում փոթորկի նախազգուշացում է հայտարարվել
Քաղաքականություն
31.10.2022 | 19:02
Մինչ օրվա վերջ Սոչիի Մագրի-Վեսելոե հատվածում հնարավոր է պտտահողմ ձևավորվի, հանգստավայրում փոթորկի նախազգուշացում է հայտարարվել, հաղորդում է ՌԴ Կրասնոդարի երկրամասի արտակարգ իրավիճակների նախարարությունը, գրում է ՌԻԱ նովոստին։
Ավելի վաղ գերատեսչությունը հայտնել էր հանգստավայրում հորդառատ անձրևների մասին։ «Սև և Ազովի ծովերի հիդրոօդևորաբանության և շրջակա միջավայրի մոնիտորինգի մասնագիտացված կենտրոնի տվյալներով՝ մինչև հոկտեմբերի 31-ի օրվա վերջ Մագրի-Վեսելոյե հատվածում ծովի վրա պտտահողմի առաջացման վտանգ կա»,- ասվում է հաղորդագրության մեջ։
Հիշեցնենք, որ Սոչիում աշխատանքային այցով գտնվում է ՀՀ վարչապետ Նիկոլ Փաշինյանը։ Նա երկկողմ ու եռակողմ հանդիպումներ է անցկացնում ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի հետ։
Տաթև Ֆռանգյան
