07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Արցախցին ոչ թե չի ուզում ապրել իր երկրում, այլ չի կարողանում. Վահան Բադասյանի ելույթը Ստեփանակերտում՝ բողոքի ցույցի ժամանակ
02.06.2018 | 19:06
Այսօր առավոտվանից փակ է Արցախի մայրաքաղաք Ստեփանակերտի հիմնական` Ազատամարտիկների պողոտան: Ցուցարարները պահանջում են ուժային մարմինների ղեկավարների հրաժարականը, բացի բանակից։ Այս պահին ցուցարարներից բաղկացած մի պատվիրակություն բանակցում է Արցախի Հանրապետության նախագահ Բակո Սահակյանի հետ։
Հանրահավաքին ներկա է նաև ազատամարտիկ Վահան Բադասյանը:
«Ժողովրդի այսօր այստեղ հավաքվելու առիթն այլ է: Դա տասնամյակների ընթացքում կուտակված բոլոր պրոբլեմներն են: 1994 թվականից այս կողմ մեր իշխանությունները միշտ ընտրվում են ընտրակեղծարարությամբ և շարունակությունն են հանդիսանում Հայաստանի Հանրապետության իշխանությունների, ավելին, կամակատար շարունակությունն են և նույն արատավոր երևույթները տեղի են ունեցել այստեղ: Այդյունքը եղավ այն, որ պատերազմ հաղթած մարդը չի կարողանում ապրել իր երկրում: Այսօր ունենք կրթություն ստացած, բայց անգործ երիտասարդություն, պաշտոններ ստանում են իշխանավորների զավակները, թոշակառուն չի կարողանում իր գոյությունը պահել, գյուղացին չի կարողանում իրացնել իր արտադրությունը, գործազրկությունը շարունակվում է, հովանավորչությունը շարունակվում է: Արցախցին ոչ թե չի ուզում ապրել իր երկրում, այլ չի կարողանում: Եթե մեկ բառով ասենք` չկա արդարություն»,- ասել է Վահան Բադասյանը:
Մանրամասները՝ տեսանյութում:
