16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Եղվարդ քաղաքում բախվել են ավտոմեքենաներ․ տուժածները հոսպիտալացվել են
31.10.2022 | 10:27
Հոկտեմբերի 30-ին, ժամը 20։07-ին Կոտայքի մարզային ճգնաժամային կառավարման կենտրոն ահազանգ է ստացվել, որ Եղվարդ քաղաքում՝ ոստիկանության Նաիրիի բաժնի մոտակայքում, տեղի է ունեցել ՃՏՊ, կա տուժած․ անհրաժեշտ է փրկարարների օգնությունը․ տեղեկացնում են ՀՀ ԱԻՆ-ից։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ քաղաքային զբոսայգու մոտակայքում բախվել են «VAZ-2106» (վարորդ՝ Մ․ Ս․, ծնված 1960 թ.) և «Mercedes-Benz E» (վարորդ՝ Ա․ Ա․, ծնված 2005 թ.) մակնիշների ավտոմեքենաները. «Mercedes-Benz E» մակնիշի ավտոմեքենայից առկա է գազի արտահոսք։
Մինչ փրկարարների կանչի վայր հասնելը՝ տեղի ուժերով փակվել է «VAZ-2106» մակնիշի ավտոմեքենայի գազի բալոնի փականը, ավտոմեքենայից դուրս բերվել ուղևոր Մ․ Խ․-ն (ծնված 2020 թ.) և հոսպիտալացվել Նաիրիի ԲԿ, այնուհետև՝ տեղափոխվել «Սուրբ Աստվածամայր» ԲԿ: VAZ-2106» մակնիշի ավտոմեքենայի մյուս ուղևոր Մ․ Ս․-ն (ծնված 1967 թ.) շտապօգնության ավտոմեքենայով հոսպիատացվել է «Արմենիա» ՀԲԿ:
Փրկարարները «VAZ-2106» մակնիշի ավտոմեքենայի վարորդին մոտեցրել են շտապօգնության ավտոմեքենային, քաղաքացին հոսպիտալացվել է «Արմենիա» ՀԲԿ։
Փրկարարները սահմանազատել են տարածքը, հոսանքազրկել «VAZ-2106» մակնիշի ավտոմեքենան և իրականացրել հերթապահություն մինչ «Mercedes-Benz E» մակնիշի ավտոմեքենայի գազի բալոնի պարպվելը:
