14.01.2026 | 11:48
TRIPP-ին Թուրքիայի ներգրավում չենք քննարկել․ Միրզոյան․ ՏԵՍԱՆՅՈՒԹ
Բակո Սահակյանը շնորհավորական ուղերձ է հղել Սերժ Սարգսյանին ծննդյան օրվա կապակցությամբ
Հասարակություն
30.06.2017 | 11:19
Արցախի Հանրապետության նախագահ Բակո Սահակյանն այսօր՝ հունիսի 30-ին, շնորհավորական ուղերձ է հղել Հայաստանի Հանրապետության նախագահ Սերժ Սարգսյանին` ծննդյան օրվա կապակցությամբ:
Ուղերձում ասված է.
«Մեծարգո Սերժ Ազատի, Արցախի Հանրապետության ժողովրդի, իշխանությունների և անձամբ իմ անունից ի սրտե շնորհավորում եմ Ձեզ ծննդյան օրվա կապակցությամբ:
Ձեր ողջ կյանքի ընթացքում Դուք անմնացորդ ծառայել և ծառայում եք հայոց անկախ պետականության կայացման ու զարգացման, հայկական երկու հանրապետությունների պաշտպանունակության ամրապնդման ու բարգավաճման, հարազատ ժողովրդի նվիրական իղձերի իրականացման սուրբ գործին:
Մեկ անգամ ևս շնորհավորում եմ Ձեզ ծննդյան տարեդարձի առթիվ և մաղթում խաղաղություն, քաջառողջություն ու ամենայն բարիք Ձեզ և Ձեր բոլոր հարազատներին ու մերձավորներին»:
