16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
ԵՄ-ում համաձայնել են մինչ 2035թ․ արգելել բենզինային շարժիչով ավտոմեքենաների վաճառքը
Քաղաքականություն
28.10.2022 | 21:18
Եվրախորհրդարանը և ԵՄ անդամ երկրները համաձայնագիր են ստորագրել մինչև 2035 թվականը նոր բենզինային և դիզելային շարժիչով մեքենաների վաճառքն արգելելու որոշումը, գրում է VOA-ն։
«Այս հատվածը, որն այժմ կազմում է Եվրոպայի արտանետումների 16%-ը, մինչև 2050 թվականը կդառնա ածխածնային չեզոք»,- ասել է Եվրախորհրդարանի բնապահպանական հանձնաժողովի նախագահ Պասկալ Կանֆենը՝ փաստաթուղթն անվանելով «պատմական որոշում»:
Greenpeace միջազգային բնապահպանական կազմակերպությունը քննադատել է համաձայնագիրը՝ ասելով, որ այն միայն քողարկում է քաղաքական գործիչների բազմաթիվ ձախողումները կլիմայի փոփոխության դեմ պայքարում: Բնապահպանների կարծիքով՝ անհրաժեշտ է մինչև 2028 թվականը հրաժարվել դիզելային շարժիչներով նոր մեքենաներից, որպեսզի գլոբալ տաքացումը չգերազանցի 1,5 °C-ը։
Գիտնականները հաստատել են, որ գլոբալ տաքացման պատճառով, որը մեծապես պայմանավորված է ջերմոցային գազերով, հորդառատ անձրևներով ու շոգ ալիքներով դառնում են ավելի հաճախակի և ինտենսիվ։
2022 թվականի ամռանը հորդառատ անձրևներն ուժեղ ջրհեղեղներ են առաջացրել Ավստրալիայում, Հնդկաստանում, Բանգլադեշում և Չինաստանում։ Միաժամանակ, անոմալ շոգ է եղել Ռուսաստանի որոշ շրջաններում, ԱՄՆ-ում, Ճապոնիայում, եվրոպական երկրներում։
Գլոբալ տաքացումը մինչև 1,5 °C-ով սահմանափակելը և մինչև 2030 թվականն ածխածնի արտանետումները նվազեցնելու ձգտումը համաձայնեցվել է 2021 թվականի նոյեմբերին Գլազգոյում տեղի ունեցած ՄԱԿ-ի կլիմայական գագաթնաժողովում: Գագաթնաժողովի վերջնական համաձայնագիրը ստորագրել են գրեթե երկու հարյուր երկրներ։
Տաթև Ֆռանգյան
