16.09.2026 | 13:39
Հայկական ֆուտբոլում տրանսֆերային ռեկորդ է գրանցվել
ՀԱՊԿ-ը նոյեմբերի վերջին կրկին կքննարկի հայ-ադրբեջանական սահմանին իրավիճակը․ Բելառուսի ԱԳՆ
Քաղաքականություն
28.10.2022 | 17:53
Հայ-ադրբեջանական սահմանին տիրող իրավիճակը դարձյալ կքննարկվի ՀԱՊԿ Հավաքական անվտանգության խորհրդի հաջորդ նիստում, որը նախատեսված է նոյեմբերի վերջին։ Այս մասին հայտարարել է Բելառուսի փոխարտգործնախարար Յուրի Ամբրազևիչը ՀԱՊԿ Հավաքական անվտանգության խորհրդի արտահերթ նիստի արդյունքներով, հայտնում է ՏԱՍՍ-ը։
Ամբրազևիչի խոսքով, այսօրվա հանդիպման ժամանակ «շատ լուրջ և անկեղծորեն քննարկվել են ՀԱՊԿ գլխավոր քարտուղարի գլխավորած և հայ-ադրբեջանական սահմանի հատվածում աշխատած մոնիթորինգային առաքելության աշխատանքի արդյունքները»։
«Ամենակարևորը՝ կողմերը կարողացան քննարկել մեր կազմակերպության հեռանկարային արձագանքն այս հարցերին։ Առաջիկա մի քանի շաբաթների համար կա որոշակի տեսլական, թե ինչպես կդիտարկվի այս հարցը։ Ինչպես հայտնի դարձավ՝ առաջիկա օրերին տեղի կունենա Հայաստանի, Ադրբեջանի և Ռուսաստանի Դաշնության ղեկավարների եռակողմ հանդիպումը։ Կողմերը եկել են համաձայնության, որ հարցը հետագայում կքննարկվի ՀԱՊԿ Հավաքական անվտանգության խորհրդի հերթական նիստում, որը նախատեսված է նոյեմբերի վերջին»,- ասել է Ամբրազևիչը։
Տաթև Ֆռանգյան
