08.06.2026 | 04:08
Դեմքերի արտահայտություններից արդեն կռահեցիք, որ իրենց գործերը լավ չեն գնում․ Սամվել Կարապետյան
Էրդողանը նոյեմբերին ինտենսիվ հանդիպումներ է ունենալու ՆԱՏՕ-ի արդիական խնդիրների շուրջ
Քաղաքականություն
28.10.2022 | 17:24
Թուրքիայի նախագահ Ռեջեփ Թայիփ Էրդողանը ՆԱՏՕ-ին վերաբերող մի շարք հարցերի քննարկման համար նոյեմբերի սկզբին ինտենսիվ հանդիպումեր է անցկացնելու, գրում է Անադոլու գործակալությունը։
Նշվում է, որ նոյեմբերի 4-ին Էրդողանը Ստամբուլում հանդիպելու է ՆԱՏՕ-ի գլխավոր քարտուղար Յենս Ստոլտենբերգին, իսկ նոյեմբերի 8-ին՝ Շվեդիայի նորանշանակ վարչապետ Ուլֆ Քրիստերսոնին։
Ակնկալում է, որ Ստոլտենբերգի հետ հանդիպմանը քննարկվելու է ՆԱՏՕ-ին Շվեդիայի և Ֆինլանդիայի անդամակցության հարցը, ինչպես նաև ռուս-ուկրաինական պատերազմը։
Իսկ ահա Շվեդիայի վարչապետի հետ քննարկման հիմնական թեման լինելու է Ստոկհոլմի՝ ՆԱՏՕ-ին անդամակցությունը, երկրների միջև երկկողմ և բազմակողմ հարաբերությունները։
Հավելենք, որ ՆԱՏՕ-ի անդամ երկրներից միայն Թուրքիան և Հունգարիան դեռևս չեն վավերացրել դաշինքին Շվեդիայի և Ֆինլանդիայի անդամակցության հայտը։
Էմմա Չոբանյան
