31.10.2026 | 13:56
Հայաստանից՝ Էկվադոր. COP18-ը հյուրընկալող երկիրն ընտրված է
Վրաստանը և Հունգարիան ռազմավարական գործընկերության համաձայնագիր են ստորագրել
Քաղաքականություն
27.10.2022 | 23:08
Վրաստանի և Հունգարիայի վարչապետներ Իրակլի Ղարիբաշվիլին և Վիկտոր Օրբանը Բուդապեշտում հռչակագիր են ստորագրել երկու երկրների միջև ռազմավարական գործընկերության հաստատման մասին։ Փաստաթղթերի ստորագրման արարողությունն ուղիղ եթերով հեռարձակվել է Վրաստանի կառավարության ֆեյսբուքյան էջով, փոխանցում է ՏԱՍՍ-ը։
«Այսօր մենք ստորագրեցինք հռչակագիր ռազմավարական գործընկերության մասին: Կարծում եմ, որ մեր միջև արդեն իսկ սերտ համագործակցությունը և շատ լավ բարեկամությունն է՛լ ավելի կամրապնդվի: Դա լրացուցիչ խթան կհաղորդի վրաց-հունգարական հարաբերություններին»,- ասել է Ղարիբաշվիլին հունգարացի գործընկեր Օրբանի հետ բանակցություններից հետո կայացած մամուլի ասուլիսի ժամանակ։
Վրաստանը և Հունգարիան դիվանագիտական հարաբերություններ են հաստատել 1992 թվականի մայիսին։
Վրաստանի ազգային վիճակագրական ծառայության՝ «Սակստատ»-ի տվյալներով՝ այս տարվա հունվար-սեպտեմբերին Վրաստանի և Հունգարիայի միջև ապրանքաշրջանառությունը կազմել է 42,4 մլն դոլար, ինչը 16,6 տոկոսով ավելի է, քան 2021 թվականին։
Տաթև Ֆռանգյան
