31.10.2026 | 19:10
Քննարկվել են Հայաստանի և Ծոցի համագործակցության խորհրդի միջև փոխգործակցության հարցեր
Ալիևը Բաքվում ընդունել է Օվերչուկին
Քաղաքականություն
27.10.2022 | 14:35
Ադրբեջանի նախագահ Իլհամ Ալիևը ընդունել ՌԴ փոխվարչապետ Ալեքսեյ Օվերչուկին, որը Բաքու է ժամանել Եվրասիական տնտեսական ֆորումին մասնակցելու նպատակով։
Ադրբեջանական լրատվամիջոցները հայտնում են, որ «կողմերը հանդիպմանը գոհունակություն են հայտնել Ադրբեջանի և Ռուսաստանի նախագահների միջև ձեռք բերված պայմանավորվածությունների հիման վրա հարաբերությունների դինամիկ զարգացման և տարբեր ՝ առևտրատնտեսական, տրանսպորտային, տարանցիկ, էներգետիկ ոլորտներում, երկու երկրների համագործակցության ներկա վիճակից, ընդգծվել է առաջընթացը բոլոր ոլորտներում և ապրանքաշրջանառության ավելացումը»։ Կարծիքների փոխանակում է տեղի ունեցել «Հյուսիս-Հարավ» տրանսպորտային միջանցքի վերաբերյալ։
«Զրույցի ընթացքում քննարկվել են նոյեմբերի 9-ի հայտարարության կատարման կապակցությամբ տարածաշրջանում տրանսպորտային և տնտեսական կապերի վերականգնման համար ստեղծված Ադրբեջանի, Ռուսաստանի և Հայաստանի եռակողմ աշխատանքային խմբի գործունեության հարցեր»,-ասվում է հաղորդագրության մեջ։
Էմմա Չոբանյան
